#ذكرى_التنحي... المصريون يحتفون بيوم سقوط مبارك

مع صورة اللواء الفنجري وهو يؤدي التحية لشهداء ثورة يناير، كتب فتحي راضي: "‏زي النهارده تمت التضحية بالرجل الكبير للحفاظ على النظام وشربنا أكبر عملية نصب... يوم التنحي... خازوق الفنجري".

وغرد أحمد سلام: "‏في ذكرى التنحي، مش دايمة لحد، كانت دامت لمبارك وعياله وحزبه ورجاله، القتل والتعذيب والقمع والفساد والسرقة مخلتهوش يفضل في الحكم مدى الحياة، وخرج منداس عليه بجزمة الشعب، لا دامت لمبارك ولا هتدوم للسيسي، وزي ما مبارك كان ليه يوم، السيسي ليه يوم، طال الزمن أو قصر، مش دايمة لحد!".

ووصفت يسرا: "‏_ 11 فبراير يوم تنحى فيه الفاسد بينما لم يتنحَ الفساد.. #ذكرى_التنحي". في حين كتب العراف عمّا حدث: "‏زي انهاردة من 9 سنين مصر طلقت حكم العسكر بالتلاتة .. عبد الناصر والسادات ومبارك وعشان مصر ترجع للعسكر تاني كان لازم محلل اللي هو الإخوان عشان تتجوز العسكر تاني اللي هو عبد الفتاح السيسي. #ذكرى_التنحي".

وقص محمد خالد: "‏يوم التنحي، وذكريات يوم التنحي، كان يوم جميل ونزلت بالعلم والمصريين اتجمعوا في الحديقة يحتفلوا وانا نزلت اتمشى بالعلم والشره تكلكس لي والكل يضرب كلكسات وكان يوم جميل جدا".

وذكر عمرو بن موسى: "‏زي النهاردة من 9 سنين كان كل مواطن عمال يحسب نصيبه من السبعين مليار بتوع مبارك. #ذكرى_التنحي". ووافقه أحمد طه: "‏‎#ذكرى_التنحي من أكتر الحاجات اللي مش ممكن تتنسي في اليوم دا جملة "نوارة نجم" مفيش ظلم تاني، مفيش خوف تاني".

بينما كتبت هبة: "‏هل هنأتم أخاكم مبارك بذكرى التنحي؟ ولا تكونوا صدقتم إنها مش ثورة يا شعب نسااااى؟! عامة..لولا "النكسة" دي..كان زمان حبيبكم بيأدي التحية لجمال مبارك دلوقتي!". وقال سيف: "‏إحنا الشرعية .. وإحنا الضعف في المية .. وإحنا إللي زلزلنا عرش أبو طلعة جوية ‎#ذكرى_التنحي".

Twitter Post

Twitter Post

Twitter Post

Twitter Post

Twitter Post

Twitter Post

Twitter Post

Twitter Post

Twitter Post

Twitter Post

Twitter Post

Twitter Post