سخرية من غرامة "500 جنيه" للعادلي في قضية "فساد المليار"

"التهمة مليار والغرامة 500 جنيه"، هكذا سخر مغردون مصريون مما جرى في محاكمة حبيب العادلي، وزير داخلية الرئيس المخلوع حسني مبارك، حيث قضت محكمة النقض بتأييد الغرامة على العادلي بسداد 500 جنيه، أي ما يعادل 30 دولاراً، في قضية الاستيلاء على أموال الداخلية، فيما عرف بقضية "فساد المليار"، والتي طالب محاميه فريد الديب بإعفائه منها.
وانتقد المغردون قضاء الرئيس عبد الفتاح السيسي الذي يبرئ سارقي المليارات، وفي نفس اليوم يحكم على مرشد الإخوان، محمد بديع وآخرون بالمؤبد، في قضية العدوة بالمنيا الشهيرة. كما انتقدوا تحفّظه على أموال بنات "تيك توك"، وفرضه غرامة 500 جنيه فقط على العادلي.

وسخر حساب "الواقع فستك": "‏النقض تؤيد بغرامة 500 جنيه على حبيب العادلي في تهمة الاستيلاء علي 2 مليار, كان فاكر إنه هيفلت من العدالة الفاجر". واقتبس ليدو مشهدا من مسرحية "شاهد ماشفش حاجة": "‏جزء من المرافعة في قضية ‎#حبيب_العادلى.. موكلي يا حضرات المستشارين .. فإني أستحلفكم بالله العظيم أن تنظروا إليه .. انظروا إلى هذا الملاك الطاهر .. انظروا إلى هذا الحمل الوديع.. إني أستحلفكم بالله العظيم أن تنظروا على جبهته العريضة ناصعة البياض.. والتي إن دلت فإنما تدل على صفاء قلبه ونقاء سريرته".

النقض يعرم حبيب العادلى
خرطوشتين مارلبورو pic.twitter.com/Wn2GUGNtCU

— مصــــــــــــــــرى (@officialamro1) July 14, 2020

وغردت صاحبة حساب "فراشة الربيع": "‏يا شوية عرر دا غرامة عدم ارتداء الكمامة 4000 جنية بس دا بالنسبة للمصري المبسوط اللي مرتبه 1600ج.. إنما الفقرا أوي اللي زي حبيب العادلي اللي بيحتكم يا دوب على 18 مليار وحي في 6 أكتوبر وقصور وسيارات و 13 قطعة أرض فيدفع غرامة 500ج بس.. آاه يا بلد .. آاه من الظلم. ‎#السيسي_باعنا_لإثيوبيا".
وعلق "ابن الإسلام": "‏القضاء المصري الظالم.. تأييد تغريم حبيب العادلي ٥٠٠ جنيه.. كل ده عشان قتل بتاع ١٠٠٠ متظاهر ولا فجرله كنيسة ولا اختلس شوية ملايين ولا عشان حاجة وعشرين سنة بيعتقل الشعب!! طب ما كده وزير الداخلية يخاف يقتل ويسرق تاني .. لا بقى كده نطالب بحرية الداخلية".

سوشيال ميديا

التحديثات الحية

غضب على مواقع التواصل بعد انفجار في طريق الإسماعيلية

وسخر محمد عبد الله: "‏‎يعني الجدع يخدم البلد فوق 30 سنة بجهد وعرق وفي الآخر ينطس 500ج غرامة.. يرضي مين الظلم ده. بس شكله هينحبس عشان مش هيقدر يدفعهم وهيعتبر من الغارمين.".
كما خاطب أحمد الجلاد حساب السيسي متسائلا: "‏حبيب العادلي المُتهم بالاستيلاء على أكثر من 2 مليار جنيه من أموال وزارة الداخلية خد براءة النهارده من محكمة النقض مع إلزامه بدفع 500 ج غرامة! دا إيه الفجور دا؟ ‎@AlsisiOfficial".
وتساءل أحمد: "‏هو اللي حكم على حبيب العادلي بغرامة قدرها 500 جنيه قاضي فعلا ولا كاشيير".
وطمأنه تامر: "‏‎متقلقش.. أكيد عنده معارف كتير مستريحين هيقفوا معاه وهيساعدوا أو يجمعوا من بعض". وأكد منير وصفي: "‏كان فاكره مال سايب.. #صباح_الخير يا مصر. #حبيب_العادلي".

مبارك وولاده ومراته وعيلتها كلها
حبيب العادلى
زكريا عزمى
أحمد عز
هشام طلعت مصطفي القاتل
وجميع رموز نظام مبارك الكتييييير قوى
كلهم بلا إستثناء أخدوا براءة بكل ال شفطوه وسرقوه من حقنا وحق ولادنا
وجايين يتحفظوا على أموال بنتين من على تيك توك
لا تخرج قبل أن تقول يحيا العدل pic.twitter.com/O61BQ7DUjX

— Sahar Mahmoud (@Sahar_Eldeeb) July 13, 2020

القضاء المصري الظالم ..
"تأييد تغريم حبيب العادلي ٥٠٠ جنيه"

كل ده عشان قتل بتاع ١٠٠٠ متظاهر ولا فجرله كنيسة ولا اختلس شوية ملايين ولا عشان حاجة وعشرين سنة بيعتقل الشعب !! طب ما كده وزير الداخلية يخاف يقتل ويسرق تاني....

لا بقى كده نطالب بحرية الداخلية🤔

— إبن الإسلام (@is0i11) July 14, 2020

((ملخص نزاهة القضاء في مصر))
• محكمة النقض أيدت اليوم السجن المؤبد 25عاما على الدكتور محمد بديع مرشد الإخوان في قضية سياسية
• ذات المحكمة أيدت اليوم تغريم اللواء حبيب العادلي وزير الداخلية في عهد مبارك 500 جنية في قضية "فساد المليار".. مايعادل 30دولار! pic.twitter.com/xIxX4IFqk6

— محمد نصر | Mohamed Nasr (@MohamedNasrAJA) July 14, 2020

يا شوية عرر دا غرامة عدم ارتداء الكمامة 4000 جنية بس دا بالنسبة للمصرى المبسوط اللى مرتبه 1600ج

إنما الفقرا اوى اللى زى حبيب العادلي اللى بيحتكم يا دوب على
18مليار وحى فى 6 اكتوبر وقصور وسيارات و 13 قطعة أرض
فيدفع غرامة 500ج بس

آاه يا بلد
آاه من الظلم#السيسي_باعنا_لإثيوبيا pic.twitter.com/WQiVysERFl

— فراشة الربيع 🦋🌸 (@b4pYkScU5ZXmbsK) July 14, 2020

النقض تؤيد بغرامه 500 جنيه علي حبيب العادلي ف تهمه الاستيلاء علي 2 مليار..🤭🤭 انا بقول نلم من بعض بقا ال 500 جنيه دول عشان ندفعهملوا😁😁 pic.twitter.com/72pyeuIPhK

— & n ôô r & (@noor26691915) July 14, 2020

هو اللي حكم على حبيب العادلي بغرامة قدرها500جنيه، قاضي فعلا ولا كاشيير pic.twitter.com/v1j1BYnrvH

— Ahmed (@Ahmed23477053) July 14, 2020

.. همه صحيح يا عمدة أيدوا الحكم بتغريم حبيب العادلى 500 جنية ؟
.. أمال إنته فاكر أيه !! ... إحنا بلد قانون يا جدع pic.twitter.com/4psIpPMErm

— المﻻك الحزين (@Lido8080) July 14, 2020

بنات التيك توك تحفظوا علي أموالهم
حبيب العادلي غرموه ٥٠٠ جنيه
للتأمل 🙂#بعد_اذن_الأسره_المصريه pic.twitter.com/8bPQcctQLH

— Sally Yousri (@SallyYousri) July 14, 2020

نكتة اليوم : المحامي فريد الديب طالب بإلغاء الغرامة عن موكله.. محكمة النقض تؤيد تغريم وزير الداخلية الأسبق حبيب العادلي 500 جنيه في قضية «فساد المليار جنيه»، التي اتهم خلالها بالاستيلاء على أكثر من ملياري جنيه من أموال الوزارة
طبعا لازم ياخد حقه مظلوم 🙄 ولا ايه ؟ pic.twitter.com/6535BUmzfd

— دعوة مستجابة (@m_m_a_h_m_e_d) July 14, 2020