مصر: معتقل بسجن المنيا يستغيث من اعتداءات جسدية ونفسية وجنسية
سجّل مركز الشهاب لحقوق الإنسان، (منظمة مجتمع مدني مصرية)، رسالة استغاثة من أسرة المواطن، عبد الرحمن جمال متولي إبراهيم، المسجون في سجن المنيا، ورد فيها حدوث اعتداءات جسيمة –جسديا ونفسيا وجنسيا- عليه داخل السجن يوم 6 إبريل/نيسان الجاري.
ونشر مركز الشهاب رسالة الاستغاثة التي تلقاها من أسرة المواطن وجاء فيها: "أمي ترددت كثيرا عشان أكتب لك الكلام ده، لأنه أشد ما حصل معي في السجون حصل يوم 06/04/2021 ليس تعذيبا فقط، ولكن تعذيب واعتداء جنسي مخليني مش طايق نفسي أنا احتسبتها عند الله، يا أمي تعالي ضروري لأن ممكن تكون آخر مرة تشوفيني فيها لأني هعمل إضراب عن الأكل وعن الماء واعملي يا أمي كل اللي تقدري عليه في الأمر ده، اعملي بلاغات للنائب العام وحقوق الإنسان في كل مكان وارفعي قضية في الأمم المتحدة خلي عمر يعملها، بالله عليك لأني نويت اطبق حديث رسول الله صلى الله عليه وسلم: من مات دون عرضه فهو شهيد".
وتابع المواطن في استغاثته لأمه "زي ما قلت لك أنا ترددت أني أقول لك الكلام ده عشان ما تزعليش، لكن معلش الأمر صعب جدا وكان لازم أقول لك يا أمي. التفاصيل يا أمي كثيرة عايزك تيجي عشان أقول لك كل حاجه، لإن كل اللي حصل معايا دا بسبب إني بقول أحاديث النبي، كل يوم حديث بدون شرح من على النظاره عشان أعرف الناس الجنائي اللي في الغرف الثانية أحاديث النبي، بسبب الأحاديث دي في مسير العنبر بيكون جنائي مسجون ومنصب مسير العنبر ده أعلى من المخبرين المباحث نفسهم هو بيتعامل مع رئيس المباحث وبيمشي كلامه على المخبرين كلهم وبيشغل معه مسيرين جنائي كثير بيفتحوا الباب والزبالة والتعيين وغيره".
وتابع "المسير الجنائي زعلان من الأحاديث اللي بقولها ومن حوالي شهرين وداني التأديب والمرة حصلت مشكلة في الأمانات الفلوس واشتكيت للمسير منه فيه حد ما وقع باسمي و استلم الأمانات مكاني، وأنا هعمل قضية تزوير في أوراق رسمية وسرقة أمانات عشان يحل المشكلة ويشوف مين اللي عمل كذا و فضل الكلام دا أكثر من شهر طلب بحل المشكله دي. وفي آخر مرة حصل مشادة كلامية بسبب المماطلة وقالي أنا هعرفك تعلي صوتك إزاي ورح جاب المخبرين وعساكر القوة الضاربة كتفوني وغمو عيني وقطعوا هدومي خلعوني الهدوم بالكامل فظهرت العورة وكنت أصرخ وأستغيث استروا العورة استحلفكم بالله استروا عورة مسلم، فتم الاعتداء على الشرف وبعد ذلك فتحوا عيني عشان يذلوني اسجد تحت رجل المسير الجنائي وفعلا عملوا كده بالقوه وأنا متكلبش من إيدي ورجلي عملوا كده".
واختتم السجين رسالته بـ"لما قلتلهم أنتم بتعملوا كده بسبب مسجون جنائي زعلان عشان أحاديث النبي مش عايز يسمعها وهما في تعذيبي وأنا بقول لهم في يوم القيامة في حساب عند ربنا أعملوا لليوم ده فتغاظوا أكثر ثم اعتدوا على الشرف بالقوة حطوا دماغي تحت رجلين المسير الجنائي وهو قاعد، الحمد لله حسبي الله ونعم الوكيل والله أكبر وهو العليم.. سامحيني يا أمي إني عرفتك".
وذكر المواطن، أسماء كل من شارك في هذه الجريمة: "ضابط سجن المنيا: محمد محمدين. وبلوك أمين سجن المنيا: عمران، ومخبر: حسين. ومخبر: أشرف. والمسيَّر الجنائي: علاء ناجي ( أبو ماندو). وعساكر من القوة الضاربة بسجن المنيا".
وأكد مركز الشهاب لحقوق الإنسان، أن والدة عبد الرحمن، تقدمت بعد الزيارة الخاصة لنجلها بالأمس بشكوى شفهية لكل من رئيس مباحث السجن، ومأمور السجن، ثم انتقلت إلى مقر نيابة المنيا، وتقدمت بشكوى كتابية للنيابة تضمنت مضمون ما حدث مع نجلها.
ودان الشهاب الانتهاكات بحق المواطن، وحمّل وزارة الداخلية وإدارة السجن المسؤولية، وطالب بالتحقيق الفوري في الواقعة ومحاسبة المسؤولين.
