مصريون يسخرون من كراتين السيسي لمنع المظاهرات
لا تنتهي محاولات النظام المصري للحدِّ من الاستعداد ليوم غدٍ الجمعة 27 سبتمبر/ أيلول، فبعد حشْد الفنانين والمطربين بالمقاطع المصورة، والتجهيز بحشد مضاد عند المنصة الخاصة بالجندي المجهول في مدينة نصر بمحافظة القاهرة، وتوالي الأخبار عن فرْض نزول العاملين بالدولة لتأييد الرئيس المصري، عبد الفتاح السيسي، قام مؤيّدوه وقوات الجيش والشرطة بتوزيع كراتين تحوي سلعاً غذائية، وهو ما رصده المتابعون على مواقع التواصل الاجتماعي.
وكتب أشرف الزيات "أمس من السويس واليوم من أمام مرور بورسعيد، عربيات داخلية السيسي توزع كراتين على الناس، محتويات الكرتونة كيسين فول وكيس سكر وكيس مكرونة وزجاجة زيت، الثورة لا تباع بمثل هذا الهرااااء".
وعلّق محمد ماهر عقل: "يسرقون قوتك، ثم يلقون لك الفتات ليخرسوك، شرطة السيسي توزع كراتين غذائية على أهالي السويس.. خدوا منهم واتظاهروا برضو السوايسة رجالة وهيفضلو رجالة".
وبسخرية كتب أحمد المغربي "الحقوا يا جماعة، الإخوان بيوزعوا كراتين زيت وسكر على الناس، إيه؟؟ دول مش الإخوان؟؟؟ طيب".
ووجّه أحمد نصيحة: "بيوزعوا كراتين زيت وسكر على الغلابة، علشان هما محتاجين، طب أقولك على حاجة، خدها عشان دي حقك، وانزل برضه اعمل ثورة".
وكتب عمرو واكد "الناس دي غبائها عدّى كل الحدود. دول منزلين مظاهرات دعم. إيه الغباء ده؟ هو مش ممكن كده يا جماعة، اللي عايز ينزل ضده يشيل صورته وهو نازل، ويمثّل إنه معاه قدام الأمن؟ وممكن بعد ما الأعداد تزيد الصور تتغير والهتافات تشتغل. صح ولا إيه؟".
وعلّق حساب باسم شباب ضد الانقلاب "عقلية محمود السيسي زي أبوه بالظبط، اللي خلف مامتش، الباشا بعد ما شاف التظاهرات في مدينة السويس، وإصرار رجالة السويس ع خلع النظام، قام إيه اجتمع بالداخلية وأمرهم بتوزيع كراتين مواد غذائية مجاناً، على أمل إن الناس ما تنزلش يوم الجمعة، حقيقي 50 في المئة".
