"كراتين" السيسي لتعديل الدستور تثير سخرية المصريين

"كراتين" السيسي لتعديل الدستور تثير سخرية المصريين

21 ابريل 2019
ترافق توزيع "الكراتين" مع "حفلات الرقص" (العربي الجديد)
+ الخط -
في أول أيام التصويت على التعديلات الدستورية في مصر، رصد متابعون أبرز المشاهد التي صاحبت التصويت، فإلى جانب الرقص أمام اللجان، وهي الظاهرة التي انتشرت مع الانقلاب العسكري في 2013، طفت ظاهرة أخرى، هي توزيع كراتين تحوي بعض السلع التموينية لتشجيع المواطنين على المشاركة.

وتم تداول العديد من الصور الخاصة بتلك الظاهرة صاحبتها تعليقات رواد مواقع التواصل الاجتماعي.

وكتب أحمد خطاب الشهير بـ(ناشط مش سياسي): "الكارتونة اللي بيشتروا بيها أصوات الغلابة، علما إنها ما فيهاش لا فراخ ولا لحمة، ولا حتى علبة سجائر".


وردت وايت على المشككين: "الناس اللي بتقول ما فيش كراتين، أمال دي إيه؟ تموين أمي يمكن".


وتساءل نجيب: "سؤال: "هو كراتين الفول والزيت دي بيدوها لأي حد بيشارك.. واللا بيدوها بس للي بيقول آه؟ عايز أعرف بس إزاي آلية الحشد اللي كانت فضيحة واستغلال حاجة الناس أيام الإخوان، بقت حاجة تضامنية وروح طيبة وإحساس بمعاناة الفقرا في عهد البلاليح".


ورصد الصحافي بجريدة الشروق أحمد عاطف حلمي: "ملخص يوم الاستفتاء الأول.. إقبال ضعيف في معظم اللجان، كراتين زيت وسكر بوفرة، رقص على واحدة ونص، إغلاق بعض اللجان لنحو ساعة بسبب تناول وجبة الغداء #اعمل_الصح".


وشاركت هبة مجدي من منطقة التجمع بصورة: "بعد الظهر بدأوا في توزيع الكراتين، واللي يستلم كرتونة يغمسوا إصبعه في حبر أزرق عشان ما ياخدتش مرتين، منتهى الإهانة".


وكتب الفنان عمرو واكد: "حوار وطني سري للغاية، شراء أصوات، تزييف إرادة، سرعة الضوء في التصويت دون مناقشة مجتمعية أو استيعاب شعبي للتعديلات، منع وحجب الصوت المعارض، استمارات تصويت دون نص التعديل، عدم التصويت على كل تعديل بشكل منفرد، ابتزاز الناخبين للتصويت. تعديلكم سقط وسقطوا معه. ألف مبروك. #باطل".


وعلق منتصر إبراهيم: "النقطة إن في انتخابات مجلس الشعب (إللي عادة بيتوزع فيها زيت وسكر)، كان ممكن تقول إن ده مجهود فردي من النائب. بس المرة دي ده نشاط بتقوم بيه الدولة نفسها. والشوادر دي منصوبة جنب الظباط وعارفين نشاطها كويس. من الجدير بالذكر إن الزحمة على شادر التوزيع كان أكبر من طابور اللجنة نفسها".


وكتب حمدي بزاوية مختلفة: "من وجهة نظر شخصية، باشفق بجد على اللي بيصوتو لأي اتجاه مقابل فلوس أو زيت وسكر، وباحس بمسؤولية بشكل أو بآخر ناحيتهم، وبشوف الفقير اللي بيسترزق بصوته أشرف ألف مرة من الهوانم اللي لابسين ماركات، وصابغين وبيرقصوا في لجان انتخابات".

المساهمون