دعوة إلكترونية لمقاطعة دستور السيسي: #مش_نازلين

ودعا الناشطون عبر وسم "#مش_نازلين" إلى مقاطعة المشاركة في الاستفتاء، لينضم إلى وسم "#لا_للتعديلات_الدستورية" الذي نقل الرفض والمخاوف إزاء خطورة التعديلات التي تسمح للرئيس الحالي، عبد الفتاح السيسي، بالبقاء في السلطة إلى عام 2030.

وكتبت راندا: "‏‎#مش_نازلين.. خلوا اللجان فاضية زي عزا عم بخ". وقالت سما نور: "‏‎#مش_نازلين.. هي دي التعديلات الجديدة.. هي دي الوكسة الجديدة.. هي البلد ناقصة هم مش كفاية".

وغردت حنان نور: "‏‎#دستوركم_باطل.. دستور ثورة 25 يناير لم يفرق المصريين ولم يقسمهم وكان الى جانب الفقير والموظف وزادت رواتب الناس ولم ترفع الأسعار علشان كدا #مش_نازلين".

وقال أحمد حسن: "‏‎#مش_نازلين.. عشان دستورهم باطل وبلحة باطل.. ويسقط يسقط حكم العسكر".

وقارن أبو حبيبة: "‏‎#مش_نازلين.. لما تبقى المصلحة ليهم يقولك انزل وشارك، ولما الشعب ينزل لمصلحته، يعتقلوه، يقتلوه، ويحرقوه في رابعة والنهضة وغيرها، عسكر خائنون".

وقال مودي بري: "‏‎#مش_نازلين علشان متتخدتش اللقطة قدام العالم الخارجي إن في ديمقراطية وحرية في مصر وأصلا احنا معدومين الحرية".

وعلل زاهر العبس عدم نزوله: "‏نفسه في أي منظر قدام العالم حتى لو هيقولو لأ بس صورته تتحسن وياخد شرعية اللي معرفش ياخدها بالدماء والظلم عشان كده ‎#مش_نازلين".

وسخر حساب "وضوح": "‏ليه ‎#مش_نازلين فيها إيه يعني؟ فيها إيه لما تردوا الجميل للراجل اللي موقفكم طوابير للعيش والغاز والتموين والبطاطس؟ فيها إيه لما تقدموا له الطابور اللي هو عاوزه قدام اللجان!! ولا كله هات هات وما فيش خد يا سيسي".

وذكرت جيهان: "‏‎#مش_نازلين علشان إعدام الأبرياء ‏‎#مش_نازلين علشان البنات اللي في المعتقلات".

وأشارت نور الهدى: "‏‎#مش_نازلين.. اللواء سعيد عباس محافظ المنوفية يرصد مكافأة مالية للوحدة المحلية التي تحقق أعلى نسبة تصويت بالاستفتاء".