حادث #البدرشين يتوّج "أسبوع الكوارث" في مصر
"أسبوع كوارث بامتياز"، هكذا وصف رواد مواقع التواصل الاجتماعي، الأسبوع الماضي الذي شهدته مصر، إذ عُثر خلاله على جثث أطفال المريوطية، ثم انقلب مترو المرج، تلاه انفجار قرب مطار القاهرة الدولي، وأخيراً انقلب قطار الصعيد في "محطة المرازيق" التابعة لمركز "البدرشين"، مما أدى إلى إصابة أكثر من 55 شخصاً.
وتصدّر حادث قطار البدرشين اهتمامات مستخدمي مواقع التواصل الاجتماعي في مصر، فاحتل وسم "#البدرشين" قائمة الأكثر تداولاً (تريند)، كما ظهرت كلمتا "السكة الحديد" في القائمة نفسها.
ومن الهجوم على "نظام الكوارث والمصائب" إلى دفاع الكتائب الإلكترونية بحجة أن "الحوادث تحصل في العالم كله"، ذكّر ناشطون بتصريح للرئيس عبدالفتاح السيسي؛ "تقولي أعمل ميكنة للقطار بـ10 مليار... الـ10 مليار لو حطيتهم في البنك يجيبولي فوائد 2 مليار".
Twitter Post
|
وغردت سناء: "أنتم عارفين 10 مليار المطلوبين لتطوير منظومة السكة الحديد لو اتحطت في البنك هتجيب كام؟ حوالي 2 مليار. من الأقوال المأثورة لبلحة. #البدرشين المنكوبة".
وطالب "مصري": "المفروض يشيله اليافطة اللي على باب المطار ادخلوها بسلام آمنين ويحطوا بدالها، أينما تكونوا يدرككم الموت. #البدرشين"، مضيفاً "وكالعادة عامل التحويلة وسواق القطر هما اللي هيشيلوا الليلة بتاعت قطار #البدرشين... الغلابة هما ديما اللي بيدفعوا التمن في فساد الكبار".
Twitter Post
|
ولام المذيع أسامة جاويش النظام: "حوادث مستمرة وكوارث لا تتوقف وسط فشل مستمر من النظام الحالي في إدارة شؤون البلاد والضحية دائما هو مواطن مصري بسيط يسعى وراء لقمة عيشه". وسخر المنشاوي: "على فكرة خروج العربات عن المسار وسقوطها مش انقلاب، دا ثورة".
Twitter Post
|
واقتبس حساب ساخر يحمل اسم "مرتضى منصور" حواراً شهيراً من أحد الأفلام الكوميدية: "#البدرشين.. وقطر البدرشين اتقلب امتى؟ تاني يوم انفجار مصنع هليوبلس.. هو المصنع انفجر؟ أيوه عشية خروج عربيتين مترو من على القضبان؟ هو كمان عربيتين مترو اتقلبوا؟ على طول بعد مالقوا جثث الأطفال مقتولين في المريوطية بيوم واحد.. والحكومة كانت فين؟ كانوا بيدوروا على مدير بنك الـCIB اللي سرق 180 مليون".
Twitter Post
|
وتساءلت "توتا": "#البدرشين.. أصبحنا في شيكاغو كل يوم جريمة قتل أولهم جريمة الرحاب.. وبعد كده بولاق.. وبعد كده ذبح أطفال المريوطية وحادثة البدرشين! فين الأمن والرقابة وكل يوم جريمة قتل بتحصل مش بقينا عارفين هو ده غضب من ربنا ولا دي علامات الساعة".
ولفت صاحب حساب "اللهو الخفي": "طبعا ناس بتتسال ايه دخل القوات المسلحة بحادثة السكة الحديد؟؟ أقولك أنا بقى وهات ودنك... من نوفمبر 2017 وكل شوية وزير النقل يلمح لأن في قرار لتطوير السكة الحديد هيسند يا اما لمستثمر أجنبي يا القوات المسلحة لحد ما بطلوا يجيبوا سيرة الأجنبي خالص وفي أبريل اللي فات الكلام ده كتر".
وكتبت زينب صلاح: "طب ما بدل ما يعملوا القطار المكهرب بتاع العاصمة الادارية الجديدة اللي مافيهاش حد سكن بـ1.2 مليار دولار ما يصلحوا منظومة السكة الحديد اللي غلوا أسعارها على الغلابة وما شافوش فيها أي تقدم لدلوقتي".
