#حق_مصطفى_سراج يتصدر مصرياً
#حق_مصطفى_سراج يتصدر مصرياً لمواجهة البلطجة وغياب الأمن
تصدّرت ثلاثة وسوم قائمة الأكثر تداولاً المصرية، هي #خق_مصطفى_سراج، و#حقك_مش_هيضيع_يامصطفى، و#القصاص_لمصطفى_سراج، للمطالبة بحق الطالب مصطفى سراج، ضحية البلطجة، الذي قتل غدراً وحرقاً بزجاجات المولوتوف، إثر خلاف في مقر سكنه بمدينة دمياط الجديدة، بعد اعتراضه على الإزعاج.
سراج طالب جامعي يعول نفسه وأهله، ويعمل فترتي عمل في أحد المطاعم.
وفور مقتله، تضامن معه زملاؤه، وطالبوا بالقصاص من قاتليه، في ظل انتقادات متكررة لغياب تام للأمن في الشارع المصري، والتحايل على القانون، وفساد القضاء، وضياع حقوق العديد من المواطنين، والتي تطورت وانضم لها الكثير من المغردين، واحتلت "الترند" المصري.
صديق سراج، محمد فارس، كان من أوائل المغردين عن القضية، وحكى التفاصيل عبر عدة تغريدات قال فيها: "حق ابننا مصطفى اللهم انتقم من كل ظالم، ده صاحبي اسمه مصطفى سراج مات مقتول، مصطفى شغال في مطعم ما في دمياط الجديدة ورديتين وبيرجع على السكن بتاع الشغل ينام، وكان ليه جيران الناس دي عاملة شغب في العمارة ومعروف إن هما مش مظبوطين".
حق ابننا مصطفي اللهم انتقم من كل ظالم
— Mohamed fares 👮♂️🐺⚽️ (@mohamedfares56) March 26, 2022
ده صاحبي اسمه مصطفى سراج مات مقتول
مصطفى شغال في مطعم ما في دمياط الجديده ورديتين وبيرجع على السكن بتاع الشغل ينام وكان ليه جيران الناس دي عامله شغب في العماره ومعروف إن هما مش مظبوطين مصطفى اتكلم مع الناس وقالهم بلاش ازعاج علشان احنا بنرجع pic.twitter.com/Ze8IZDYVcS
وأكمل محمد: "مصطفى اتكلم مع الناس وقالهم بلاش ازعاج علشان احنا بنرجع من الشغل بليل تعبانين ننام ونصحى الصبح على الشغل، الناس معجبهاش الكلام وقالوا يأذوهم... فجر الخميس واحد منهم اتهجم على مصطفى ورمى في الشقة بنزين ورمى مولوتوف على مصطفى وولع فيه، مصطفى جري على تحت يستنجد والشخص مستكفاش ورمى عليه واحده كمان".
وأضاف: "الناس حاولت تلحق مصطفى وودوه على المستشفى بس للأسف ساعات وصاحبي مات. أهل مصطفى رفعوا قضية والناس بتحاول تتبلى على صاحبي بقضية قصادها علشان حقه يضيع، مصطفى يشهد الناس على طيبته وطهارته وشخص عارف ربنا وعمره ما يفكر يأذي نملة، أرجوكم شيروا الكلام ده علشان حق صاحبي ميروحش".
ووافقه صديق آخر يدعى عبد الرحمن: "ده مصطفى سراج صاحبي وزميلي في الكلية، وخلاص كان قدامنا أيام ونتخرج، مصطفى اتقتل بغير حق ولازم اللي عمل كدا ياخد جزاءه، نوعدك يا مصطفى حقك مش هيروح وربنا يصبرنا على فراقك يا حبيبي".
ده مصطفى سراج صاحبي وزميلي في الكلية وخلاص كان قدامنا ايام ونتخرج، مصطفى اتقتل بغير حق ولازم اللي عمل كدا ياخد جزاءه، نوعدك يا مصطفى حقك مش هيروح وربنا يصبرنا على فراقك يا حبيبي#حق_مصطفى_سراج#القصاص_لمصطفى_سراج pic.twitter.com/vw9PwWPdxs
— 𝘈𝘣𝘥𝘦𝘭𝘳𝘩𝘮𝘢𝘯. (@AbdelrhmanS5so5) March 26, 2022
ونعته زميلته يمنى أسامة: "فقدنا واحد مننا في آخر ترم قبل التخرج، كل الناس تشهدله باحترامه واخلاقه وعايزين حقه".
وذكر أحمد بعدة قضايا مماثلة وغياب العدالة، وغرد: "اللي بيدور على #حق_مصطفى_سراج مينساش محمود البنا وآلاف زيهم في بلد محكومة بالظلم والجبروت".
اللي بيدور علي #حق_مصطفى_سراج مينساش محمود البنا والاف زيهم في بلد محكومة بالظلم والجبروت#حقك_مش_هيضيع_يا_مصطفى pic.twitter.com/5deq9a2mAu
— مغرد الثورة💪 (@KhawaterAhmad) March 27, 2022
وغرّت شروق هيثم: "ربنا يرحمك يا مصطفى ويصبر قلب مامتك وباباك… بقينا في مجتمع قذر أقسم بالله… لغاية دلوقتي مش مستوعبة اللي حصل أصلاً".
