الشوارع تفصل بين السيسي والمتظاهرين... والأذرع تتخبط

22 سبتمبر 2020
الصورة
ترهيب وتخويف من عواقب التظاهر (محمد الشاهد/فرانس برس)

مع استمرار حالة الاحتقان والغضب بالشارع، إثر هدم البيوت، وغلاء المعيشة، وفرض الضرائب، استمرت دعوات الاحتجاج المطالبة برحيل الرئيس عبد الفتاح السيسي، وتصدر وسم #خليك_في_الشارع قائمة الأكثر تداولاً المصرية، والذي يتابع أخبار الحراك ويدعو لاستمراره.

كما دشن آخرون وسم #انزلوا_الشوارع لحشد المواطنين والانضمام للتظاهرات، وانتشرت في الوسمين هتافات الثورة وشعاراتها، مع مقاطع الفيديو المصورة من التظاهرات، ودعوات إلى تطوير الحراك الشعبي.

ورغم استماتة الأذرع في نفي نزول المتظاهرين أول أمس، إلا أنّ عمرو أديب على قناة mbc مصر اعترف بوجود تظاهرات، وحاول التقليل منها، وحصرها في بعض قرى الصعيد. في الوقت الذي استمرت فيه باقي الأذرع في نفيها، بل لجأت للترهيب والتخويف من العواقب. 

وكتب "عمرو المصري": "‏‎#الثورة_بدأت ‎#ارحل_يا_سيسي ‎#خليك_في_الشارع ‎#الثورة_مستمرة أحد أسباب نجاح ثورة يناير قطع الاتصالات، الناس نزلت تطمن على أهاليها إللي في الشارع.. إحنا ممكن نقطع الطرق وننزلهم برضوا يطمنوا.. الناس عندهم حقد وغل وكره لنظام بلحة أكتر من أي وقت #عصيان_مدني_إجباري".

وغرد حساب "الأقصى": "‏الضغط في القرى والنجوع هيحرر المدن، المحافظة اللي مش قادرة تنزل في أشهر ميادينها تنزل في الشوارع والحواري والقرى والنجوع كده الداخلية هتتفتت و هتنهار .. ريتويت علشان الكل يشوف ‎#خليك_في_الشارع".

وعلق حازم حجاج على الأخبار عن اعتقالات في المناطق التي خرجت فيها التظاهرات: "‏اتفضل أمال بتقول محدش نزل ليه وإعلامك المغرض بيكذب نزول الناس ‎#خليك_في_الشارع".

وقص "مذيع تويتر" القصة: "‏أسيوط اليوم نزلنا علشان نثبت حقنا في بلحج وأحمد موسى وشوية الإعلاميين الهلافيت وشرطة بلحة مش راضية فاختلفنا وضربناهم بالطوب وانسحبوا #خليك_في_الشارع ‎#الشعب_يريد_إسقاط_النظام ‎#الثورة_بدأت #اقتحموا_مدينة_الإنتاج_الإعلامي".

ومع نشرها الفيديو كتبت "بنت اسمها ذات": "‏أحلى زفة للسيسي من أبطال الأقواز بالصف وأنا بنفسي بأكد فيها اليوم والتاريخ حصري حصري ‎#ارحل_يا_سيسي ‎#الشعب_يريد_إسقاط_النظام ‎#خليك_في_الشارع".

بينما تساءل أحمد الشيمي: "‏يا جدعان في مناطق مفهاش حاجة وفيها ناس عايزة تنزل إيه الحل. ‎#انزلوا_الشوارع".

وأشارت "الخالة نوسة": "‏الثورة دي ثورة شعب لا ثورة أحزاب ولانخب سياسية.. كل واحد ليه مظلمة عند هذا الطاغية ينزل مش هنعزمكم على حقوقكم .. أظن كل بيت في مصر كلها له حق عنده #انزلوا_الشوارع 
#الثورة_بدأت #ارحل_يا_سيسي".

وذكر "زمار": "‏‎#ناغشهم.. عارف الداخلية محترمة ليه؟! عشان عارفة مشاهد الكر والفر هتنزع الخوف والناس تنـزل. ‎#انزلوا_الشوارع".

ونشرت "الدكتورة" الفيديو: "‏لليوم التاني العياط بالجيزة بدأت الحراك.. لا إله إلا الله والسيسي عدو الله #الثورة_بدأت ‎#انزلوا_الشوارع". كما دعت ريم محمد: "‏يلا نرجع كل متغرب كل معتقل .. يلا نرجع بلدنا عشان تبقى أد الدنيا #انزلوا_الشوارع".