مغرّدون للسيسي: لو ماعندكش حل ارحل

أبرز مشهد رافق فعاليات اليوم الثاني كان ظهور رجل الأعمال هشام طلعت مصطفى في المؤتمر، فكتبت أسماء: "هشام طلعت مصطفى اللي خارج من السجن بعفو صحي لعدم استكمال مدة حبس 10 سنوات بعد ثبوت تهمة التحريض على قتل المطربة اللبنانية سوزان تميم قاعد في الصف التاني في #مؤتمر_الشباب خلف السيسي مباشرة وبجوار وزير الداخلية".

بداية التصريحات التي أثارت سخرية رواد مواقع التواصل حين قال السيسي: "لو اخترت بين الطعام وعلاج المرضى لاخترت العلاج".

فكتبت راجية: "هو المريض ده مش عايز أكل مع العلاج عشان يصلب طوله؟ ما أبدعك ما أروعك قول كمان".

وتساءل عماد: "هو ليه كل حاجه عنده مرتبطة بالأكل؟ 10 سنين ثلاجتي مافيهاش إلا ميه، أنا ممكن آكل طقّة واحده، لو خيّروني إني آكل ولا أعالج المرضى، تقريباً دا اللي بيسموه شبع من بعد جوع".

واستكمل السيسي تصريحاته حول منظومة التأمين الصحي وسبب فشلها في حقبة الستينيات من القرن الماضي، فأجاب حساب محامين مصر ساخراً: "ليه منظومة التأمين الصحي مانجحتش في 64؟ عشان 67. وليه منظومة التأمين الصحي مانجحتش في 2009 أو 2010؟ عشان الحركات الثورية.. صدق اللي قال عليك بلحة".

وقال السيسي: "لم ينجح أي نظام في الدولة المصرية إلا بالاستقرار والأمن"، فغرّد إسلام عرفة متعجباً: "هو في أي نظام نجح واحنا مش واخدين بالنا... ولا معيار النجاح هو اللي اتغير واحنا نايمين؟!".

وعن تصريح آخر كتبت الست نور: "السيسي: نحتاج 15 مليار لزيادة مرتب المعلم ألف ج، ما انت زودت القضاة 5 آلاف وبأثر رجعي وزودت الجيش والشرطة حتى المعاشات بتاعتهم غير البدلات والحوافز.. هي جت على المدرس الغلبان بقت مافيش؟ أقولك زود الطباعة شوية، إنتم طابعين 450 مليار ج في سنة بدون غطاء نقدي يا خاربها".

وفي كلمتها أفادت وزيرة الصحة د. هالة زايد أنه بدءاً من العام المقبل ستقوم القوات المسلحة بإنتاج لبن الأطفال، فكتب د. علا الرفاعي: "ومال القوات المسلحة ولبن الأطفال؟ هم يصنعوا طيارات صواريخ غواصات دبابات رشاشات في دولة في العالم بتعمل كده؟؟؟"، وأجابت بهية: "برعاية سلاح المرضعات".

وفي تصريح آخر قال: "أنا ضاغط عشان مافيش سبيل تاني.. ولو حد من الـ100 مليون يعرف يعمل حاجة يقوللي"، فجاءت الإجابة من الفنان خالد أبو النجا: "لو ماعندكش حلول ارحل، أهو عالمياً أصبح في ترند بيقولها لك واضحة وصريحة: #ارحل_ياسيسي".