#السيسي_ومحمود_بيخربوا_مصر و#مش_هنرضى_بالفتات رداً على خفض أسعار البنزين

وكتبت صفحة "أسرار محمد علي" عند تدشين الوسمين: "نقول من تاني يا أحلى شعب.. من امتى والأسعار بتنزل يا معلقة؟! من يوم ما شوفنا وشك العكر والأسعار بتزيد بس!! النهارده الأسعار بتنزل والتموين بيرجع!! يعني مصر مش فقيرة يا حرامي يا كداب يا بتاع قصور انتصار.. إيه رأيكم يا شعب مش نكمل بردو ونرجع بلدنا كلها؟! #مش_هنرضى_بالفتات #السيسي_ومحمود_بيخربوا_مصر #هترحل_ياسيسي #ثورة_شعب".

وعبر الوسم الأول هاجم المغردون الرئيس المصري، عبد الفتاح السيسي، ونجله محمود، محملين إياهما المسؤولية عن الخراب الذي وصلت إليه البلاد، بينما جاء الثاني للرد على محاولات النظام احتواء الغضب الشعبي بعودة أكثر من مليون مواطن لبطاقات التموين، وبتخفيض أسعار الوقود بقيمة ربع جنيه.
وأعرب ناشطون عن رفضهم للفتات الذي يلقيه نظام يهدر مليارات في بناء القصور والاستراحات.

وغرد حساب "شباب ضد الانقلاب" عن المعتقلين: "‏الفنانة تقي طارق.. صاحبة الصوت الرائع مغنية الأوبرا، اختطفت من ميدان التحرير من يوم 28/9 ولَم تظهر إلا اليوم في نيابة أمن الدولة، بتهمة مشاركة جماعة إرهابية في تحقيق أغراضها وأخدت 15 يوما.. يا دولة السيسي كفاية، سجونكم مليانة مظلومين. #السيسي_ومحمود_بيخربوا_مصر".

وسخر مجدي: "‏احنا نصبح على مصر بجنيه وهو يمسي علينا بربع جنيه.. يعني لهف مننا خمسة وسبعين سعادتك. #السيسي_ومحمود_بيخربوا_مصر".

وقالت زهرة: "‏طول عمرنا بنقول: هي الحداية بترمي كتاكيت واهو جه اليوم والحداية خايفة على قصورها والكنز اللي اسمه مصر اللي عمالين ينهبوا فيها من كل جانب.. الحداية بترملنا كتاكيت عشان بتاكل هي ديك رومي. #عاجل: رد ضرائب علاوات ومكافآت موظفي الدولة بأثر رجعي. #السيسي_ومحمود_بيخربوا_مصر".

وأكد محمد الصباغ: "‏مظلة العسكر بالديكتاتورية هي المفرخة الكبرى للفساد؟! #السيسي_ومحمود_بيخربوا_مصر".

وكتب حساب "نيكوتين": "‏‎#السيسي_ومحمود_بيخربوا_مصر..  يا ناس احنا مشكلتنا مش في بنزين ولا تموين احنا مشكلتنا أكبر من كده مليون مرة.. المشكلة اننا بقالنا 60 سنة بنتحكم من العسكر واحنا خلاص كفرنا بالعسكر بشكل عام سلمونا السلطة وارجعوا لثكناتكم العسكرية والا حانخرب البلد ومش عاوزينها ياكشي تولع. #مش_هنرضى_بالفتات".

وتخيل أحمد زيدان السيسي مخاطباً المصريين: "‏‎#السيسي_ومحمود_بيخربوا_مصر #مش_هنرضى_بالفتات.. البنزين نزل ربع جنيه هااااااا مبسوطين خلوني قاعد بقى".

وغرد الغمري: "‏طب م تجيب م الآخر وترجعلنا البلد كلها من غير مشاكل ولا لازم يعني كل شوية هشتاج يرعبك يا أخي لييه يا أخي. #مش_هنرضى_بالفتات #السيسي_ومحمود_بيخربوا_مصر".