سخرية من استعداد السيسي لمحاججة المصريين يوم القيامة

في الندوة التثقيفية الثانية والثلاثين للقوات المسلحة المصرية، أطلق الرئيس المصري، عبد الفتاح السيسي، عدة تصريحات قوبلت بسخرية واستهجان على مواقع التواصل الاجتماعي.

‏تحدث السيسي عن الإخوان وفترة ما قبل انتخابات 2012 فقال: "سألتهم عن طريقة حل المشاكل، والله ما لقيت إجابة".

وقد كتب نديم: ‏"والله عدم وجود إجابة، كان أحسن من التعويم ورفع أسعار الكهرباء والغاز والمية والضرائب أضعاف، ومزاحمة الناس في أكل عيشهم، وصرف مئات المليارات على سلاح وتفريعة وعاصمة بلا أي عائد ع المواطن".

وعلّقت أميرة:" ‏كل اللي بيتعمل وبيتقال عشان يحسن الصورة وينقذ الوضع شوية، مش بيخلي حاجة أحسن أبداً، من أول إن اللي بينزلوا يعترضوا دول فئة طمعانة في الحكم، ولحد إننا محتاجين فلوس عشان بنصرف ع المواطن المسرف ده من جيبنا!".

وكان التصريح الذي نال القدر الأكبر من السخرية حين قال: "والله والله لأحاجي الكل يوم القيامة على اللي إحنا بنعمله في البلد".

وفي هذا السياق، كتب خالد سمرة: "‏بغض النظر إنه مقتنع إن الرعية هم اللي بيتسألوا عن الراعي، بس شوف قالها من كام سنة ومحدش جرؤ يصلحها له، إن اسمها أحاجج مش أحاجي".

‏وشارك حمدي زكريا: "أولاً حد يبلغه إنها أحاجج مش أحاجي دي، لأنها معناها هايعمل فوازير وألغاز وده الحاصل فعلاً، وبعدين يحاجج مين؟ ده هنا وهو في أوج قوته بيهرتل ويفتي هيحاجج هناك إزاي مش عارف؟ والحمد لله إن فيه هناك علشان كل واحد يأخذ حقه".

وبسخرية علّق أحمد بدوي: "‏غالباً السيسي معتقد إن يوم القيامة ده ندوة تثقيفية، هايلم الطبّالين حواليه ويمسك الحديدة، ويقعد يكذب ويشخط وينطر ويبرق شويه ويتسهوك شوية، وهما يصقفوله وبعدين يقوموا يتغدوا وينفض اليوم على كده".

وكتب محمود سليمان: ‏"النبي ﷺ نفسه قال: لن يُنَجِّيَ أحدًا منكم عملُه قالوا: ولا أنت يا رسول الله؟، قَالَ: ولا أنا إلَّا أن يَتَغَمَّدَنِيَ اللَّهُ برحمتِهِ، يعني ماحدش ضامن الجنة ولا ضامن موقفه وقت الحساب، ودا بيتكلم بمنتهى الثقة عن صحة وقوة موقفه يوم القيامة، هو فيه دين جديد نزل يا جماعة واحنا منعرفش؟!".

وفي محاولة للإشادة بنفسه قال: "لدي تسجيلات منذ أن كنت وزير دفاع أشدد على ضرورة العمل على وعي المواطنين".

فسخرت لما: "‏أيوه كلنا سمعناها، من أول مبروك علينا البلد، لحححححد إنه أمير الكويت هايجيله أزمة قلبية، من الفلوس اللي طلبتوها والخليج عبارة عن شوال رز".

وعن الوضع المال قال السيسي: "الغطاء النقدي الخاص بمصر استُهلك في حرب اليمن عام 1962"، فتساءل مهاجر: ‏"والحرب دي كانت من بنات أفكار الملك ولا الإخوان، والخسارة فيها كانت بقيادة مين وبسبب مين؟".

وكتبت الفراشة الثائرة: "‏‎السيسي اللي اتعمل في مصر في 6 سنين يساوي اللي اتعمل في 20 سنة .. وتحذير من الأجيال الجديدة للحروب". والقروض اللي اتحسبت هاتحتاج 20 سنة سداد، وأنبوبة غاز بـ6 ج بقت بـ75 ج، ده غير جاز بنزين كهربا مياه ارتفاع كل الأسعار، ده غير بيع تيران وصنافير والنيل والغاز لإسرائيل، وشرم الشيخ للإمارات".

سينما ودراما

التحديثات الحية

السيسي يدعو لإنتاج مسلسلات عن الجيش على غرار "الاختيار"

والتقطت نور تصريحاً آخر: "‏‎السيسي: لا أستطيع التصالح مع من لا يملك ديناً ولا ضميراً ولا إنسانية. يريدون تحويل الشعب إلى لاجئين من أجل الحكم. رسالة خبيثة في باطنها الكثير من القتل والإعدامات والاعتقالات للجميع، وتصفية خاصة للإخوان، الجاي أوسخ من الراح ‎#ارحل_يابلحة".

وكعادته مع كل خطاب واصل السيسي اتهام ثورة 25 يناير، فقال إن التجاوز والسرقة في جميع القطاعات كانا في عام 2011. فعلقت فيروز: "‏2011 واجعاه قوي يا جماعة".

ونال رئيس وزرائه د. مصطفى مدبولي نصيبه من الهجوم بسبب تصريحاته عن أن "مصر حققت معدلات نمو اقتصادي كبيرة، لا تنعكس بشكل كبير على المواطن بسبب الزيادة السكانية".

فسأله ميزو: "‏مش بسبب الجباية يعني ولا انعدام الشفافية؟ ولا العاصمة الإدارية الجديدة ولا أبراج العلمين، ولا قصور السيسي".

وعلّق عابدين: ‏"مشكلة البلد دي أنها بتجبرك تتكلم في بديهيات الأمور، أموال الدولة ما هي إلا أموال الشعب من ضرائب وجمارك وغيره، الحكومة بتاخدها عشان تصرفها في الخدمات مش من ميراث حد يا مدبولي".

وأعلن مدبولي نجاح ‎مصر في القضاء على ‎فيروس كورونا، فتحدّته هبة مجدي: ‏"يا راجل طيب تحب أبعتلك الأرقام الحقيقية، مختومة كمان بختم النسر يعني بدون تزوير؟".

النبي ﷺ نفسه قال: لن يُنَجِّيَ أحدًا منكم عملُه
قالوا: ولا أنت يا رسول الله؟
قَالَ: ولا أنا إلَّا أن يَتَغَمَّدَنِيَ اللَّهُ برحمتِهِ
يعنى محدش ضامن الجنة ولا ضامن موقفه وقت الحساب
ودا بيتكلم بمنتهى الثقة عن صحة وقوة موقفه يوم القيامة
هو فيه دين جديد نزل يا جماعة واحنا منعرفش؟! https://t.co/JdNHhuft6D

— Eng. Mahmoud Soliman (@EMahmoudSoliman) October 11, 2020

غالبا السيسي معتقد إن يوم القيامة ده ندوة تثقيفية هيلم الطبالين حواليه ويمسك الحديدة ويقعد يكذب ويشخط وينطر ويبرق شويه ويتسهوك شويه وهما يصقفوله وبعدين يقوموا يتغدوا وينفض اليوم علي كده pic.twitter.com/MuWcJPRv1F

— أحمد بدوي (@ahmed2013b1) October 11, 2020

أولا حد يبلغه أنها أحاجج مش أحاجى دى لأنها معناها هيعمل فوازير وألغاز وده الحاصل فعلا... وبعدين يحاجج مين ده هنا وهو فى أوج قوته بيهرتل ويفتى هيحاجج هناك إزاى مش عارف والحمد لله ان فى هناك علشان كل واحد يأخذ حقه. https://t.co/wD65ij7sFZ

— حمدى زكريا (@hamdy_zakaria1) October 11, 2020

بغض النظر انه مقتنع ان الرعية هم اللي بيتسألوا عن الراعي، بس شوف قالها من كام سنة ومحدش جرؤ يصلحهاله ان اسمها أحاجج مش أحاجي https://t.co/uJkf6aGpsl

— Khaled Samra (@Abo0Samra) October 11, 2020

كل اللي بيتعمل وبيتقال عشان يحسن الصورة وينقذ الوضع شوية مش بيخلي حاجة أحسن أبداً، من أول ان اللي بينزلوا يعترضوا دول فئة طمعانة في الحكم ولحد اننا محتاجين فلوس عشان بنصرف ع المواطن المسرف دة من جيبنا!

— منفيون (@Amiraiology) October 11, 2020

والله عدم وجود إجابة كان أحسن من التعويم ورفع أسعار الكهرباء والغاز والمية والضرائب أضعاف ومزاحمة الناس في أكل عيشهم وصرف مئات المليارات على سلاح وتفريعة وعاصمة بلا أي عائد ع المواطن https://t.co/A4GSRKjAgc

— NaDeeM New Account (@iNADEEM_) October 11, 2020

مشكلة البلد دي أنها بتجبرك تتكلم في بديهيات الأمور
اموال الدولة ماهي الا أموال الشعب من ضرائب وجمارك وغيره ،، الحكومة بتاخدها عشان تصرفها في الخدمات مش من ميراث حد يا مدبولي https://t.co/R3nfrc8g6D

— Abdeen (@22Abdeen) October 11, 2020

مش بسبب الجباية يعني ولا انعدام الشفافية
ولا العاصمة الإدارية الجديدة ولا أبراج العلمين
ولا قصور السيسي 😉 https://t.co/TOfbXlYgk1

— 🗣️بياع بطاطا🍠 (@_Mezo0) October 11, 2020

2011 واجعاه اوي يا جماعه

— fayrouz 😷😷😷 (@fayrouza123) October 11, 2020