مغردو #الثانوية_العامه: سيبك من الأوائل الـ50% هم مستقبل مصر

شاركت هبة علي صورة للمستشار مرتضي منصور معلقة "لما اطلع الأول على الثانوية العامة على الجمهورية الأخيرة في التعليم، أنا كده استفدت إيه؟".

وغرّد أحمد "تويتر كله بيتكلم عن أسماء أوائل #الثانوية_العامة _ أوائل إيه؟! سيبكم من الأوائل، إحنا عايزين أسماء اللي جابوا 50% هم دول مستقبل مصر".

ونصح أمير عيد التلاميذ "ربنا يوفقكم جميعاً وتجيبوا مجاميع حلوه واللي هيجيب مجاميع وحشه ميزعلش الموضوع كله اشتغالة أهم حاجه تخربوها في الإجازة".

وكتب علي موسى "#ضحكوا_علينا_وقالوا نتيجة #الثانويه_العامه هي اللي هتحدد مستقبلك خرافة وبدعة اجري ورا #حلمك اعمل اللي بتحبه".

وتذكر صاحب حساب "مناضل ثوري" طلبة المعتقلات "أحمد ثانوية عامة ذاكر وامتحن وهو في المعتقل ومن دون أي ذنب أو حكم قضائي، أحمد نجح اليوم".

وسخر عبدالرحمن "إن شاء الله نقول مبروك لطلاب الثانوية العامة برضو لما تقعدوا عالقهوة وانتو معاكوا شهادة، غير لما تقعدوا وانتوا صيّع بتفرق والله".

ووجهت رانيا شلبي رسالتها إلى الأهل "النهارده نتيجة الثانوية العامة، أحب أقول لكل أب وكل أم فرحان إن ابنه الأول على منظومة تعليم فاشلة معلش... علموا أولادكم إدارة الأعمال والبرمجة. والسلام عليكم ورحمة الله".

أما أحمد محمد فكتب: "استنوا النهارده لقاءات أوائل الثانوية العامة عالتليفزيون المصري وهما فرحانين بالتفوق وحاسين إن مصر بتتقدم وبيقولوا للشعب اصبروا على عمو السيسي شوية".

وحسم ياسر أحمد الموضوع مغرداً "كلمتين بجد بقى: الثانوية نصها توفيق ومش هي نهاية العالم وعمرها ما كانت معيار للذكاء... مهما كانت نتيجتك قليلة قولها وانت مبتسم وما تخليش حد يحس انه شمتان في أهلك حتى لو هما كانوا مكبرين الموضوع".

وأضاف "ولو درجتك عالية ما تتكبرش على زمايلك ﻷنك دخلت مكان بيروحه آلاف زيهم زيك كل سنة! وخلينا متفقين إن مفيش تعليم في مصر أصلا وإن الحوار كله مسرحية فاشلة، مجرد سبوبة دايرة مع البهوات أصحاب الجامعات الخاصة".