"طلعت حرب راجع"... ومصريون: هاتوا سعد يقول مافيش فايدة

ملأت الحملة "القنوات السيادية"، وروجت لقروض ميسرة لتمويل المشاريع الصغيرة للشباب، وفترة إعفاء تصل إلى سنتين، في محاولة من النظام المصري الحالي، برئاسة عبدالفتاح السيسي، لإثناء الشباب عن الوظيفة الحكومية، أو الهجرة غير الشرعية، مما عرّضها لحملة انتقادات واسعة، خاصة أنها استخدمت لقطات حقيقية لضحايا سابقين، فأُجبر البنك على حذف الفيديو الخاص بالهجرة، لكن بعض المتابعين أعادوا رفعه على موقع "يوتيوب".

واللافت أن كثيرين حاولوا التواصل مع "بنك مصر" للاستفسار عن القروض، فجاء الرد صادماً "ليس لدينا فكرة عن ما يُعرض في التلفزيون"، ليضع الحملة والإعلانات في مرمى نيران السخرية اللاذعة، ويشارك فيها بعض الصحافيين المحسوبين على النظام.

والتعليق الأكثر تداولاً على مواقع التواصل الاجتماعي هو التالي "‏روحت بنك مصر استفسر عن قرض طلعت حرب للشباب واتفاجئت إن لازم مشروعك يدخل 100000 في الشهر علشان تقدر تاخد قرض بـ50 ألف! مفيش فايدة في البلد دي".

وسخر صاحب حساب "مصري" من الإعلان وحكم العسكر، فكتب "‏طب يا ريت طلعت حرب وهو راجع يجيب في ايده محمد علي، عشان محتاجينه يعمل مذبحة مماليك تانية"، وسخرت "بنت الشاذلي" قائلة "‏بنك مصر بيقولكم طلعت حرب راجع... طيب ما لاقيش عندكم سعد زغلول بالمرة بقى علشان يقول ما فيش فايدة".

ووصف ناصر "‏إعلان طلعت حرب راجع ده يحرق الدم، أسوأ إعلان في العالم... بيخليني عايز أروح البنك أدب خناقة مع أي حد".

وعن حال الشباب، غرّد محمد "‏يعني نفسية الشباب زي الزفت وما حدش عنده طاقة أو أمل يعمّر فيها، وكل يومين نسمع عن مشروع اتقفل وكافيه اتشمع ودول طالعين ينظّروا علينا".

وعن اللقطات الحقيقية لضحايا حقيقيين جرّاء الهجرة غير الشرعية في الإعلان، قال إسلام: "إعلان بنك مصر جايب الصورة دي (حقيقية وناس ماتت بجد) في الاعلان، واللي هو لو مأخدتش مننا قرض هتفشل وتبقى زي الناس اللي بتموت دي"، ووافقه آخر ساخراً "يعني ايه الشباب مش هتاخد قروض من بنك مصر، أمال السجون دي كلها اتعملت لمين؟!".

وعن مشاريع الجيش، سخرت صاحبة حساب "المركب بتغرق يا قبطان": "إعلان بنك مصر بتاع حسنين ومحمدين اللي واحد فيهم فضل في مصر وفتح مصنع مكرونة ده، متقولوا انه ظابط جيش أوقع يعني"، وكتب صاحب حساب نجاح الموجي الساخر "شرط قرض بنك مصر لازم يكون عندك مشروع ربحه 100 ألف جنيه... في دولة تقريبا نص شعبها تحت خط الفقر... ولو شاف 100 جنيه هيموت بالسكتة القلبية".

ورأى علاء أن "فكرة بنك مصر مبنية على أساس ان الشباب هو المتكاسل في وسط الفرص العظيمة الموجودة"، وسخرت "فتاة مصرية": "يعمل ايه طلعت حرب في وطن ضايع ومع مواطن فقير أوي وغلبان؟".