مغردون يهاجمون السيسي: #مصر_عاوزة_بلاعات_مش_مؤتمرات
مغردون يهاجمون السيسي: #مصر_عاوزة_بلاعات_مش_مؤتمرات
غرقت مصر بمياه الأمطار (فرانس برس)
تصدر وسم #مصر_عاوزة_بلاعات_مش_مؤتمرات قائمة الأكثر تداولاً المصرية، بعد أن دشنه مغردون، انتقاداً لسياسة الرئيس عبد الفتاح السيسي الذي افتتح في شرم الشيخ "المؤتمر الدولي للاتصالات الراديوية WRC، بينما فشل نظامه في مواجهة مشكلة الأمطار.
وهاجم ناشطون سياسة المؤتمرات الدعائية بعيداً عن أولويات المواطن، وتحول الوسم إلى منصة هجوم على النظام خاصة مع حادث مصرع شاب وإصابة آخر، عقب إجبارهما من قبل المحصل على القفز من القطار خلال تحركه بسرعة، لأنهما لا يمتلكان تذكرتي ركوب.
وكان حساب "أسرار محمد علي" كتب: "الفاشل مكلفش نفسه يعلن حالة الحداد على اللي ماتوا نتيجة فشله الإداري ولا حتى كتب تغريدة عن المصيبة اللي البلد فيها ولا حتى عزى أهالي الضحايا.. رايح في نفس التوقيت يعمل مؤتمر يصرف فيه ملايين تانية ويمسك المايك ويتكلم واحنا بقى نولع ونتكهرب ونغرق. #مصر_عاوزة_بلاعات_مش_مؤتمرات".
وغرد حساب "عمو لاللو التاني" الساخر: "#مصر_عاوزة_بلاعات_مش_مؤتمرات.. بس بلاعات صرف مياه مش بلاعات فضائية اللي هي الأذرع الإعلامية البكابورتات اللي طفحت علينا توفيق عكاشة وأحمد موسى ونشأت الديهي ومحمد الباز وخالد أبو بكر وعمرو أديب ومصطفى بكري وتامر آمين".
وسخرت علياء عمر من السيسي "#مصر_عاوزة_بلاعات_مش_مؤتمرات.. مش هعمل بلاعات وهعمل مؤتمرات وهعمل وهعمل.. ده مش عشاني ده عشان مصر".
وقالت سالي الزيات: "كده حرام والله الموضوع مبقاش اهدار مال عام وكلام كبير علينا الموضوع ماسس كل واحد غلبان بجد مش هزار حرام نسكت على كده على الاقل نطالب بأبسط حقوقنا والله العدل والكرامة فاضل ايه تاني يحصل علشان نزعل بجد ونتحرك علشان حق الناس الغلبانة دي. #مصر_عاوزة_بلاعات_مش_مؤتمرات".
وعلق حمادة فضل: "ضحية التذكرة.. ضحية المطر.. ضحية الغرق.. ضحية السجن.. ضحية التعذيب.. ضحية الفقر.. ضحية القهر.. ضحية الإهمال الطبي.. ضحية الاختفاء القسري.. ضحية محطة مصر ضحية الإرهاب.. ضحية الفساد.. ضحية العسكر الشعب المصري أصبح ضحية #السيسي. #مصر_عاوزة_بلاعات_مش_مؤتمرات".
وكتب طارق: "العاطل في الدول المحترمة بياخد إعانة بطالة.. والشاب ده بيجري على أكل عيشه وبيركب في اليوم يمكن ه قطارات بيبيع فيهم لو كل قطار دفع 70 جنيه يبقى شغله مش هيجيب حاجة وهيطلع مديون.. عشان الناس اللي مستغربة هو جاله قلب ازاي يسمع كلام الكمسري وينط من القطار. #مصر_عاوزة_بلاعات_مش_مؤتمرات".
وأكد أبو محمد المصري: "هتدخل الاستاد بدون تذكرة هتموت هتركب قطار بدون تذكرة هتموت.. متنساش نفسك أنت مصري. #مصر_عاوزة_بلاعات_مش_مؤتمرات". وطالب صاحب حساب "الضيف أحمد": "مصر عاوزة بلاعات نرمىثي فيها بتوع المؤتمرات والمعرضين .. ساعتها بس هتسلك البلاعات #مصر_عاوزة_بلاعات_مش_مؤتمرات".
