السيسي يصرّح بمليارات العاصمة الإدارية ومغردون: تكفي لتغيير مصر كلها

27 سبتمبر 2020
الصورة
رأى المعلقون في الأموال فرصة للاستثمار بالأساسيات (Getty)
+ الخط -

تشهد مواقع التواصل الاجتماعي جولة جديدة بين الرئيس المصري، عبد الفتاح السيسي​، والمغردين والمعلقين، بعد تصريحاته الأخيرة اليوم الأحد، أثناء افتتاح عدد من المشروعات التنموية في مدينة مسطرد بمحافظة القليوبية.

وصرح السيسي قائلاً: "أنجزنا 22 كوبري في 6 أشهر عشان نريّح الناس"، فعلّق محمود: ‏"ماشاء الله، بيعملوا الكوبري في 8 أيام بس، ونرجع نستغرب لما نلاقي الكباري مش متخطط لها كويس، وداخلة تسلم عالناس في بيوتها وبتقع بعد افتتاحها بكم يوم".

وعن وعي الشعب قال السيسي: "الشعب والدولة حاجة واحدة، ورهاني على وعي المصريين رغم تشكيك أهل الشر".

‎وسخر ديجوفيتش: ‏"السيسي راهن على وعي الشعب وتحمُّله، عشان كده اعتقل أطفال في أسوان، ومرشّق الميادين مخبرين وشرطة، ومسرّح إعلامه يشتم في الناس، ومجيّش كتايبه يفبركوا فيديوهات، بس طبعاً مافيش حد نزل".

‏‎وعن تكلفة إنشاء العاصمة الإدارية بـ380 مليار جنيه، علّق حساب مصر إلا جزيرتين: ‏"المبلغ ده كان كفيل يغير مصر في سبع سنين، مدارس ومستشفيات ومصانع ورفع أجور، بس علشان ماشيين بدون دراسة جدوى، بنبيع أصول الدولة لسد فوائد القروض ‎#ارحل_يا_سيسي".

وشارك المهاجر: ‏"طيب بالذمة دا كلام ناس عاقلة؟ أكتر من 50 مليار في السنة، بدل ما يصرفها في تحسين معيشة المواطن، يبني بيها مدينة جديدة تصبح عبئاً على البنية الأساسية للعاصمة القديمة!".

وبرابط يوثّق للمعلومة شارك محمد رمضان: "‏المشروع اللي بيفتتحه السيسي اليوم، قطر أكبر مساهم فيه، قطر أعلنت في 2019 تشغيل المشروع، وهنّأت نفسها ومصر، إعادة افتتاح السيسي للمشروع اليوم، هو إفلاس من السيسي لمناسبات الظهور".

وعلّق صقر قريش على مجموعة من التصريحات: "‏ملخص خطاب ‎السيسي: الكباري: بتدفعنا فلوس عشان نعدي عليها، العاصمة الإدارية: محدش من الغلابة يملك فيها حاجة، 500 جنيه مكافآت: مخدرات، دولة صرفت 400 مليار عشان إعادة الإعمار: أحسن من سوريا والعراق، مفيش بديل: أنا أو الفوضى #ارحل_يا_سيسي".

وكتب عمرو واكد:‏ "رئيس دولة إيه دي اللي بيستجيب لضغط شارع متفبرك؟ وكما يزعمون متصور في تركيا ولا في استوديو، الضغط جايب نتيجة أهه وواضح إنكم رعبتوهم. ربنا ينصركم".

‏وعن أزمة كورونا قال: "نجاحنا في أزمة كورونا وانخفاض أعداد الإصابات سببه "طيبة المصريين"".

وتساءلت رانيا منصور: "‏لا معلش، حد يفهمني إيه علاقة الطيبة بالفيروس؟ عشان أنا قوايا العقلية لها حدود".

وأضاف: "بيحسدونا على مواجهتنا لكورونا، وإحنا بنحرم نفسنا من اللقمة عشان بلدنا"٠

فسخر شامي: ‏"قالها وهو يخفي ساعته الباتيك فيليب، التي يبلغ ثمنها 85 ألف دولار أميركي، تحت كُم القميص، حتى لا يجرح شعور الفقراء من شعبه، لله دره".

وشاركت شوشو: "‏السيسي بيقول إن الكباري والمحاور دي عشان الناس، طيب وعملت إيه للناس اللي مش لاقية تاكل ولا تشرب ولا تعلم أولادها يا ظالم؟ لدرجة إنها بتولع في نفسها وبتدبح عيالها، عملت إيه للناس اللي شردتهم برا البيوت وجالهم ذبحة وماتوا؟ عملت إيه بكل المليارات اللي جت من البنك الدولي؟".

وسخر حكيم عيون من خبر مشاهدة الرئيس السيسي لفيديو عن حقوق الإنسان فكتب: "‏هل يشاهد من أجل تعلم مادة جديدة؟ أم لمراجعة مادة رسب فيها مرات عديدة؟ حلوة بمفهومها الشامل دي يعني أجوّعك وأهدم بيتك، ولو اعترضت أعتقلك أعذبك شوية، بس أحاول على قد ما أقدر إنك ماتموتش في إيدي عايزين ‎#حقوق_الإنسان إللي بجد ولا السيكوسيكو؟ #السيسي_عدو_الله #ارحل_ياسيسي #ارحل_يابلحة".