العملة المصرية الجديدة تثير انتقادات المغرّدين
أثار إعلان البنك المركزي المصري، يوم أمس الثلاثاء، عن صدور العملة البلاستيكية الجديدة (بوليمر)، العديد من الانتقادات والملاحظات من المصريين على منصات التواصل الاجتماعي، من أبرزها أنّ التصميم يكاد يتطابق مع العملة الإنكليزية، وتحديداً مع العملة من فئة عشر جنيهات إسترلينية، من ناحية الحجم واللون.
يضاف إلى ذلك أنّ شكل الخط وحجمه ودرجة انحراف وجه تمثال الملكة حتشبسوت مماثلة لدرجة انحراف وجه الملكة البريطانية، وهو ما أثار موجة من السخرية على مواقع التواصل الاجتماعي.
وقام حساب باسم مدنية، بإعادة نشر مجموعة من التصميمات للعملة المصرية بفئاتها المختلفة معلّقاً: "بمناسبة سرقة تصميم العشرة جنيه الجديدة من العشرة بوند إسترليني، دي تصميمات اتعملت من فترة لشباب بمجهود شخصي ونشروها على السوشيال".
وعلقت بسمة رضوان: "إنت قلتها شباب عالسوشيال، مش قرايب فلان ولا معرفة علان".
وسخر صانع المحتوى أحمد بحيري: "شعب جاحد يا أخي! خللولكم الجنيه المصري يسوى جنيه إسترليني، وبرضه مش عاجب!".
من جهته، تساءل إسلام جاويش: "طب محطة مترو وعادي، ممكن التصميم يتشال ويتغير بواحد تاني، طب العشرة جنيه؟ دي اتطبع منها ٢ مليار!".
وأضاف ردّاً على منكري وجود حقوق الملكية الفكرية: "شوف أنا حاولت أوصل لـcreative commons license مفيش، كل الخطوط المشابهه ومش الأصلية ولا نفس النقش بتتراوح أسعارها ٤٠ دولار، معنى ذلك إن الخط له ملكية خاصة".
ولم تقتصر التعليقات على ذلك، بل امتدت لتشمل استبدال صورة جامع الرفاعي المشيّد منذ أكثر من قرن، بجامع الفتاح العليم المقام حديثاً في العاصمة الإدارية الجديدة.
فكتب عمر طاهر: "الناس بتعلق على صورة مسجد الفتاح العليم على الفلوس الجديدة، باعتبار فيه مساجد أقدم وكده، طب ده الآذان في التليفزيون اللي طول عمره مشاهد لمساجد القاهرة التاريخية، وناس بتصلي، وناس بتسبح، وأجواء روحانية من لحم ودم، بقى دلوقت كلوزات، وميديم شوت للموكيت والنجف والرخام في جامع فاضي".
وشاركه حسين مهران الرأي، فكتب: "البلد اللي فيها مساجد أثرية، لها طراز فريد من نوعه في العالم، وعددها يكفي قارة كاملة، مالقتش غير جامع معمول أول امبارح عشان تحطه على العملة الجديدة؟".
بينما خرج محمد البسطاوي بتفسير لإصدار عملات جديدة، فكتب: "إلى الاقتصاد الموازي: بعد طباعة عشرة مليار جنيه من العملة الجديدة، سيمنع تداول العملة القديمة وبتجيبها للبنك غصب عنك، ما جبتها، إنقعها واعملها كمادات".
بمناسبة سرقة تصميم العشرة جنيه الجديدة من العشرة بوند إسترليني
— مد🇪🇬🇪🇬نية (@SecuEgy) July 5, 2022
دي تصميمات اتعملت من فترة لشباب بمجهود شخصي ونشروها علي السوشيال pic.twitter.com/Dtz4BxNb0K
شعب جاحد يا أخي!.. خللولكم الجنيه المصري يسوى جنيه استرليني و برضه مش عاجب! https://t.co/bgTwlJ1mp9
— أحمد بحيري (@AhmedBehiry) July 5, 2022
طب محطة مترو وعادي ممكن التصميم يتشال ويتغير بواحد تاني ، طب العشرة جنيه؟ دي اتطبع منها ٢ مليار
— إسلام جاويش (@islamgawish) July 5, 2022
شوف انا حاولت اوصل لcreative commons license مفيش ، كل الخطوط المشابهه ومش الاصلية ولا نفس النقش بتتراوح اسعارها ٤٠ دولار ، معنى ذلك ان الخط له ملكية خاصة pic.twitter.com/yUWLh7jKUx
— إسلام جاويش (@islamgawish) July 5, 2022
البلد اللي فيها مساجد أثرية لها طراز فريد من نوعه في العالم وعددها يكفي قارة كاملة مالقتش غير جامع معمول أول امبارح عشان تحطه على العملة الجديدة
— حسين مهران (@TheAlexArch) July 5, 2022
الي الاقتصاد الموازي
— Mohamed elbestawy (@M__bestawy) July 6, 2022
بعد طباعة عشرة مليار جنيه من العملة الجديدة سيمنع تداول العملة القديمة وبتجيبها للبنك غصب عنك
ما جبتها انقعها واعملها كمادات pic.twitter.com/6dveJNZaO3