أذرع السيسي تبحث عن معارضة صورية.. وتهاجمها
حالة من الارتباك والتخبط عاشتها الأذرع الإعلامية لنظام الرئيس المصري عبد الفتاح السيسي، قبل أيام من انعقاد برلمانه الجديد، وبعد انتخابات نسبة المشاركة فيها ضعيفة للغاية ومشكوك في نزاهتها، ونافست فيها أحزاب المخابرات نفسها.
وبين الاعتراف بانعدام الحياة السياسية، والدعوة لأداء برلماني حقيقي عكس البرلمان المنتهي، وانتقاد أي تحرك معارض في وسيلة إعلام بعيدا عن سيطرة المخابرات عاشت الأذرع ليلة أمس.
اعترف، عمرو أديب في برنامجه "الحكاية" على فضائية "إم بي سي مصر"، بعدم وجود حياة سياسية حقيقية، وقال: "كانت فترة حرجة وكنا محتاجين فيها لملفات اقتصادية وتحقيق نمو"، وانتقد البرلمان: "يا جماعة مافيش في الدنيا يبقى الرضا التام عن أداء الحكومة وازاي كل الفترة اللي فاتت مافيش غير استجواب واحد لوزير وماتمش والوزير استقال ونفسي أشوف نائب بيجيب حق الناس".
واعترف أديب: " نفسي الرئيس القادم اللي معظمنا عارفين اسمه يفتح المجال ويكون فيه حياة سياسية، وياريت الناس بقى تنخرط في الأحزاب وأتمنى وماتزعلوش مني أنا آسف نلاقي ناس مرشحين من الأحزاب مش نفضل ندور على مرشح".
وقارن: "كان عندنا أحزاب حقيقية زي التجمع والوفد دلوقتي مش عارف وزن الأحزاب اللي موجودة في البرلمان إيه، الطبيعي أن أي حزب يسعى للوصول للحكم، وعاوز حياة سياسية نعمل حساب فيها للشعب وللبرلمان وللأمة".
أما نشأت الديهي فهاجم أي بادرة للمعارضة التي طالب بها أديب، ففي برنامجه "بالورقة والقلم" على فضائية "تن"، شن هجوما شديدا على رئيس حزب الكرامة والنائب السابق أحمد طنطاوي، بسبب حواره مع "بي بي سي عربي"، والذي اتهم فيه النظام بتزوير الانتخابات، والعمل على إسقاطه بسبب معارضته.
وسخر منه الديهي هو ومرشح الرئاسة السابق حمدين صباحي قائلا: "إنت لسة صغير واللي بتعمله ده عيب وآخر لقاء ليك كان حمدين صباحي اللي مش محترف وما كملش تعليمه السياسي".
وقال: "الأستاذ حمدين صباحي اتنازل عن رئاسة الحزب لأحمد طنطاوي وبيزعموا إنهم ورثة عبد الناصر، وبيمثلوا التيار اليساري أو الاشتراكي واللي لفت نظري لقاء تليفيزيوني أجراه مع البي بي سي، وبقول لطنطاوي يابني انت صغير وماقريتش كويس وانت ما قابلتش سياسيين محترفين".
وخون الديهي، طنطاوي وصباحي وتيار الكرامة قائلا: "انتوا بتتشدقوا بالناصرية وعبد الناصر وأنتم عبء على هؤلاء، ومخدتوش منهم الوطنية ومواجهة الإمبريالية والاستعمار، وأصبحتم نهايات طرفية لهم حتى دون أن تدروا".
