"ناصية زمان"...أكثر من مليون مشاهدة لأحدث أغاني أحمد مكي

وقد أثارت الأغنية حنيناً للمعاني والمواقف التي افتقدها المجتمع المصري أخيراً، مثل الحارة المصرية خاصة، وما كان يتسم به أهلها من الشهامة والرجولة و"الجدعنة". ورغم اعتراضات البعض على الكليب، إلا أن الأغنية حظيت بإعجاب معظم رواد مواقع التواصل:

جاء تعليق سلام صلاح: "تكلفة كليب أحمد مكي الجديدة: عدد 1 كوافير معملش، حاجة عدد 1 سطح شباب، منهم كام حد فورمة، عداد 2 قفص حمام، عدد 15 موزة صفرا، كام لقطة من حواري شعبية بكاميرات نضيفة فيها HDR وColoring كويس، النتيجة فيديو من أحلى فيديوهات 2017، الاستنتاج: الإبداع مش محتاج صرف، محتاج دماغ".

وكتب علي: "الناس اللي بتقول عن نفسها رابير وبينقدوا قال إيه #أحمد_مكي الفن هدف وعزم يا ابني انت وهوا.. حمدا لله على سلامتك يا مكي وربنا يديك الصحة والعافية، وتفضل أغانيك وأعمالك هادفة فعلا".

وغردت ندا: "على قلة ظهور أحمد مكي وإنه مش واخد حقه وسط ركبني المرجيحة و3 دقات.. هيفضل بالنسبة لي الـideal في الراب والأغاني الهادفة".

وجاءت مشاركة جو بمقطع من الأغنية: "زمان البنت وهي مروّحة كان من أول ما بتخش المنطقة كأنها دخلت البيت، أمان وقفة ناصية زمان / #أحمد_مكي".

وعن عزيمة مكي كتبت لوليتا: "أحمد مكي غير إنه حد موهوب جداً عمل لنفسه اسم بنفسه، غير كدا اتحدّى المرض بطريقة عظيمة وبنى جسمه ورجع الساحة بقوة ف بجد شابو للناس دي اللي بتهزم أي حاجة وبترجع أقوى مما كانت".

وكتب نصير: "أغنية أحمد مكي الجديدة حلوة بطريقة رهيبة لدرجة إنها جاية في وقتها".

وفي إعجاب مغلف بنصيحة علق موتيفال: "عاش يا مكي رسالة حلوة وأداء جامد من فنان حرام تضيع موهبته في التكرار.. لازم تجديد "أحمد مكي".

وخالفهم هشام الرأي فكتب: "إيه بقى الخطير في كليب أحمد مكي يا جماعة؟ كليب عادي جدا جدا جدا جدا".