مقتل "طفل تذكرة القطار" يشعل غضب المصريين بمواقع التواصل

28 أكتوبر 2019
الصورة
عبّر المعلقون عن صدمتهم (إسلام صفوت/NurPhoto/Getty)
+ الخط -

 

حادث مأساوي شهده قطار VIP رقم 934 المتجه من الإسكندرية إلى أسوان، حيث قام كمسري القطار بإلقاء شخصين لا يملكان تذكرتي الركوب أثناء سير القطار، مما أدى إلى مصرع الأول وإصابة الآخر بجروح خطيرة. وبحسب مصدر داخل هيئة السكة الحديدية، فإن رئيس الهيئة أوقف رئيس القطار عن العمل، وقام بإحالته للتحقيق، كما تحفظت شرطة النقل على رئيس القطار تمهيداً لعرضه على النيابة. وحسب الأخبار المتداولة، سوف يقوم وزير النقل اللواء كامل الوزير بعقد مؤتمر صحافي.

الخبر والفيديو المتداول أشعلا مواقع التواصل الاجتماعي. مستنكراً، تساءل محمد ربيع "هل منطقي كمسري يرمي طفلين من القطار وهو ماشي بسرعة علشان مش معاهم ثمن التذاكر؟.. كيف توحش الناس بالشكل ده!؟ قلبك على فلوس الحكومة قوي!؟".

وكتب محنك "فيه كمسري في مصر فتح باب القطر، وأجبر طفلين ينطوا منه، عشان مش معاهم فلوس التذكرة، واحد منهم مات، هو عمل كده وكل الناس في عربية القطر ماحدش فيهم قام عمل أي حاجة، ولا أخد العيال من إيديهم، ولا اتخانق معاه، ولا دفع ثمن التذكرة من جيبه مثلا، أي حد بيفكر يكمل حياته في البلد دي مجنون".


وكذلك مالوكة "لو كل واحد من الركاب جمعوا اتنين جنيه، كان زمان العيال دي عايشة، والمفروض إنه vip ، يعنى إللي راكبينه معاهم فلوس، بلاش يدفعوا، ما دافعوش ليه عن العيال دي، إحنا بقينا في مأساة بكل ما تعينه الكلمة، ممكن نشوف حد بيموت حد قدامنا، وما نعملش أي حاجة من الخوف، إذا كان خافوا من كمسري، أمال لو حد معاه سلاح؟!".

وبعدم التصديق شارك محمود بصري "هو صحيح قصة إن كمسري رمى اتنين من القطار؟ أنا مش متخيل البشاعة اللي وصلنا لها في نقاشنا، إن واحد يرمي التاني من القطار".

وعلّقت سناء "البلد دي المفروض يتعمل حواليها سور، وحجر صحي، البلد بقت مستشفى مجانين، يا مجرم تجبر أطفال ينطوا من القطار علشان 70 جنيه".

وكتبت بنت مصر الحرة "اتنين أطفال في قطار من الاسكندرية إلى أسوان، الكمسري بيقولهم فين التذاكر، قالوله مامعاناش فتح لهم الباب والقطار ماشي، وقالهم انزلوا، واحد منهم عرف ينط والتاني نزل تحت القطر ومات!! لو حدث هذا في دولة محترمة، لتم فصل رئيس القطار فوراً ومحاكمته!!".

المساهمون