محمد علي بفيديو جديد: أسهم السيسي خارج مصر تنهار وخطوات عملية لإزاحته

01 نوفمبر 2019
الصورة
ذكّر باستيلاء الجيش على أراضي الدولة واستغلالها (تويتر)

بث المقاول والفنان المصري محمد علي فيديو جديداً، الجمعة، رداً على مؤتمر الرئيس عبد الفتاح السيسي الأخير، في افتتاح التطويرات التي تمت في مصنع النصر للكيماويات الوسطية، أكد خلاله أن أسهم السيسي خارج مصر تنهار، وأن هناك خطوات عملية لإزاحته. 

وبدأ فيديو علي بالرد على سؤال: "إيه موضوع الثورة وهانعملها إزاي، يا جماعة الخير أنا هالعب معاه جيم ومن الجيم ده هاكشفه لكم، السيسي عمل كبت ليكم وقهر وأنا مش هاضحي بيكم، كل شيء بالصبر، ربنا أكرمنا بنزولكم خلى العالم يهتم، لقى كل صحف العالم بيتكلم، فهل من المنطق يطلع يقول على "نيويورك تايمز" إخوانية؟ عشان هي صحافة حرة بتقول صريخكم، إحنا ربنا كارمنا والناس المحترمة ابتدت تسمع صوتكم".

وعدد المقاول المصري طرق ابتزاز الغرب بقوله: "يفجر قنبلة عند كنيسة ويطلب دعماً"، مضيفاً: "يعمل عمل إرهابي في سيناء، يجيب جماعات تموت 20 عسكري وكام ضابط، من هنا يقدر ياخد فلوس من الغرب".

وتحدث عن أنه مع كشف إهدار المال العام، "الدول التي تمنحه المعونات ستتوقف تحت ضغط من شعوبها".

وسخر، كذلك، من التباهي بتنفيذ المشروعات في أقصر مدة ممكنة: "شايفين النجاح بالأقصر، دي بالكواليتي ما هي بالأقصر وبتتخرب وبتولع".

وعلق محمد علي على إنشاء 37 مصنعاً: "دول بس تابعين لجهاز الخدمات العامة غير الهيئة الهندسية، شوفوا لواء بيدير كام مشروع؟ كام سرقة حصلت؟ كام أندر تيبل اندفع؟ كم مصلحة اتعملت؟".

وأضاف: "شركة وادي النيل للمقاولات تابعة للمخابرات العامة، ووزارة الداخلية لها شركة الفتح للمقاولات، إنتم واخدين البلد ليكم".

واستكمل: "ما سبتش قطاع إلا والجيش اشتغل فيه، الشعب المصري هايشتغل فين، عند الجيش؟ واللا يطلع يشتغل برة؟".

وأعاد التذكير باستيلاء الجيش على أراضي الدولة واستغلالها وبيعها بمليارات، وكذلك المتاجرة بالتفرقة بين المسلمين والمسيحيين.

ووجه سؤالاً إلى الرئيس السيسي: "ليه بتدي إحساس للشعب إن القائد الأعلى للقوات المسلحة لو مشي الجيش انهار؟".

وتابع: "هل هانقضي كل الوقت نحكي على الفساد؟ هاقعد أحكي في الكلام ده؟ لازم ناخد خطوات عملية لإزاحة هذا الرجل الديكتاتوري، اللي يقدر برة يوصل صوته للصحافة وينزل خبر، ده مهم لغاية ما صوتنا يوصل للرؤساء، أسبوعين ثلاثة إن شاء الله عاملينه بلان، السيسي أسهمه وقعت برة مصر وخارج مصر".