بعد كشف حالات #كورونا... #يارب_احفظ_مصر يتصدر

07 مارس 2020
الصورة
كورونا يشغل المغردين في مصر (خالد دسوقي/فرانس برس)
+ الخط -
استمرّ فيروس كورونا المستجد في استحواذه على اهتمام رواد مواقع التواصل الاجتماعي في مصر، خاصة بعد الإعلان عن 12 حالة إصابة مؤكدة لمجموعة من العاملين على باخرة نيلية قادمة من أسوان إلى الأقصر جنوب البلاد.

وتصدّر وسما "#كورونا_مصر" ووسم بدعاء "#يارب_احفظ_مصر" قائمة الأكثر تداولاً في البلاد، واستمرّ المغردون في تدويناتهم ومتابعاتهم والتحذير والسخرية من نظام الرئيس عبد الفتاح السيسي، والدعاء للبلاد بالسلامة. 

وغردت دينا الحناوي: "‏لماذا إلى الآن لم تتوقف الرحلات الصينية واستقبال السياح لمصر؟!على الأقل من باب المسؤولية الدولية والصحية تجاه شعوب العالم مش شعبك حتى! إلى متى الأنانية واللامبالاة والجهل. #كورونا_مصر".

وكتب "مصري": "‏واضح إننا داخلين على مرحلة ما يعلم بيها غير ربنا. #كورونا_مصر"، وتساءل أحمد شعبان: "‏يعني هو كورونا ده أخطر من السيسي. #كورونا_مصر".

وقال طارق بدر: "‏‎#كورونا_مصر.. لو فيه اهتمام كبير فى المطارات وكشف على اللي بييجوا من برة إن شاء الله الفيروس مش هيوصلنا، ويا ريته فيروس عادي زي الإنفلونزا العادية إنما ده وباء حقيقى، ولو انتشر هيوصل للكل ومش هيسيب حد، إحنا ممكن نمنعه بالاهتمام، إنما لو أهملنا هنرجع نقول ياريت اللي جرا ما كان".

وسخر حساب "بندق": "‏مش معنى ان في دول جالها كورونا من مصر انه ممكن يأثر علينا.. لا بالعكس.. ابسلوتلي.. دي مصر هي الي هتأثر على الكورونا. #كورونا_مصر".

ودعت رقية: "‏ربنا يسترها على المصريين كلهم ويحفظهم بحفظه وتعدي المحنة دي على خير #كورونا_مصر".

وتساءل عبد الرحمن: "‏انتوا خايفين ليه تقولوا اسم شركة السياحة وتفتحوا التحقيق مع اللي دخل الأجانب دول بلدنا؟ خايفين على سمعة الشركة، لكن احنا نموت فى ستين داهية. #اسوان ‎#النوبة ‎#الاقصر ‎#كورونا_مصر".

أما حساب "خواطر" فكتب: "‏‎#يارب_احفظ_مصر.. شوفوا شهامة المصريين وقت الشدة يكونوا أسود.. يساعدوا كل المحتاجين ووشهم بشوش مفرود.. يا رب ياخد المجرمين.. وساعتها هنوزع ورود.. البلد غرقانة والطرق هلكانة.. بس شوف شهامة شباب مصر الجدعان وهما بيجروا عربية عطلانة بالأطفال".

وغردت حورية: "‏ربيع الموت في وطني أزهر.. دماً مسفوكاً وأشلاء مبعثرة.. صباحنا مجزرة.. مساؤنا مجزرة.. ذبحاً وحرقاً وغرقاً وشنقاً #يارب_احفظ_مصر".

كما كتب حساب "شبلنجة": "‏‎#يارب_احفظ_مصر من الظلم والفقر.. كورونا يا جماعة ما بيفرق بين غني وفقير.. مسؤول وله مش مسؤول طايح فى الكل علشان كده الظلمه متوجسين".

وتساءل "شيرلوك": "‏أنا عاوزك تتخيل معايا ان 12 حالة اكتشوفها في باخرة سياحية ما بين أسوان والأقصر تمام كدا.. لامش تمام خالص..  حضرتك تعرف ان الباخرة دي بيبقي عليها حوالي 800 شخص ما بين موظفين وسياح. انت تعرف انهم اختلطوا وتعايشوا مع بعض ما بين 7 أو 8 أيام.. تخيل بقي ان السياح دولا هيختلطوا بكام تاني؟ #يارب_احفظ_مصر".

المساهمون