المصريون يتساءلون عن إهدار وزارة الأوقاف 3 مليارات جنيه
المصريون يتساءلون عن إهدار وزارة الأوقاف 3 مليارات جنيه لفرش المساجد المغلقة
المساجد مغلقة والمصريون في أزمة (فايد الجزيري/Getty)
أثار إعلان وزارة الأوقاف المصرية، عن "فرش 11 ألفاً و336 مسجداً بتكلفة أكثر من 3 مليارات" رغم إغلاقها، تساؤلات كثير من المصريين عن حقيقة الرقم، وجدوى الإعلان والتوقيت الذي تشتكي فيه المستشفيات من نقص المستلزمات الطبية. ويعاني أغلب الشعب من الفقر والعوز بسبب أزمة تفشي فيروس كورونا وتأثيراتها، مطالبين بمحاسبة الوزارة على حقيقة الرقم ومراجعة ميزانيتها.
وكتب حساب "قلم حر": "اليوم السابع: الأوقاف إحلال وتجديد وفرش 11 ألفا و336 مسجدا بتكلفة أكثر من 3 مليارات.. صاحب هذا القرار حرامي.. تسرق 3 مليارات من شعب مش لاقي ياكل.. تصرف 3 مليارات على البلاط وعندك شعب مش لاقي سراير في المستشفيات.. الصلاة تجوز على التراب ولكن علاج المرضى لا يكون إلا في مستشفيات يا حرامية باسم الدين".
وقال "أحمد محمد": "طب المساجد كلها مفروشة سجاد ايه لزمة الفرش الجديد .. وبعدين لما المساجد تتفتح كل واحد هيجيب سجادة معاه .. تصرفها على المستشفيات والمستلزمات الطبية أفضل". وغرد "أشرف الخولي": "يعني المساجد كانت اشتكت عشان تقولوا احلال وتجديد.. هو مش في أولويات.. يعني الأولوية في العالم كله الآن للصحة والمستشفيات ورفع كفاءتها وتوفير كل مستلزماتها والحفاظ على الأطباء وتقولي صرفنا ٣ مليارات ولا ٦ مليارات على فرش المساجد.. حسبنا الله ونعم الوكيل.".
وطالب "كامل": "ليه دار الافتاء ما تطلعش فتوى بجواز الصرف على مصابي كورونا بدل ما هي بتتكلم عن القسطنطينية والاخوان وأردوغان.. وبدل ما وزير الأوقاف بيقولك صرف ٣ مليارات على تغيير سجاجيد المساجد".
وبعملية حسابية غرد الحقوقي "جمال عيد": "3 مليارات جنيه على 11336= 260 ألف جنيه تقريباً على كل مسجد! يعني أكتر من ربع مليون جنيه لكل مسجد إحلال وتجديد فقط، في بلد يعاني من تفشي وباء ونقص مستشفيات وتعليم متدهور! ويزعلوا لما ننتقد!". وقارنت "نهلة": "لأ ازاي نسيب أردوغان يفتتح مسجد آيا صوفيا وما نصرفلناش كام مليار على كام مسجد.. مش مهم نصرف الفلوس دي لمنع تفشي الوباء.. المهم ناخد اللقطة الحلوة وخاصة من تركيا الوحشة اللي بتصنع سلاحها دي وفاكراها أملة يعني.. انت عايز الناس تاكل وشنا في العالم والدول المجاورة و لا إيه؟".
ودعا "نور علي": "وزارة الأوقاف عاملة ميزانية 3 مليارات لتجديد 11 الف مسجد مع إن دي مباني قائمة ومفروشة وكل مصلي حياخد معاه سجادته من البيت.. هو احنا بتوع فشخرة ولا مسئولين عندهم سوء تقدير وقرارات مستفزة .. الـ٣ مليارات جنيه دول كنا جبنا بيهم مستلزمات طبية ومسكات وعوضنا النواقص الرهيبة الموجودة بالمستشفى". وقالت "فؤادة": "معلش أمك تموت وغيرها وغيرها بس أصل وزير الأوقاف هايفرش المساجد بـ٣ مليارات وعايز سبوبة مستعجلة".
Twitter Post
|
Twitter Post
|
Twitter Post
|
Twitter Post
|
Twitter Post
|
Twitter Post
|
Twitter Post
|
Twitter Post
|
Twitter Post
|
Twitter Post
|
Twitter Post
|
Twitter Post
|
Twitter Post
|
