"مش عايزينك يا سيسي وهنخلعك"... أسبوع من الصدارة
استكمالاً لأسبوع متواصل من صدارة الوسوم المطالبة برحيل الرئيس المصري عبد الفتاح السيسي، تصدر وسم #مش_عايزينك_ياسيسي_وهنخلعك، رغم محاولات ذباب السيسي الإلكتروني إزاحته كأمثاله من القائمة.
وتتوالى الوسوم رداً على ما قاله السيسي أثناء افتتاحه عدداً من المشروعات بمحافظة الإسكندرية مطلع الشهر الجاري، "لو مش عايزني أمشي واعملوا استفتا على وجودي ومش هسيبها كده أو ييجي حد يخربها".
وتساءل حسن شعبان"#مش_عايزينك_ياسيسي_وهنخلعك.. هو أنا ليه مش شايف التريند في الترتيب؟ هل عشان مقر #تويتر في الشرق في معقل الشر#الإمارات".
ووافقته "أم عمر" "وقعوا الهاشتاغ لازم يرجع تريند لليوم التامن شدوا حيلكم خلي الثورة على الأرض". وعلى الوسم كتب حساب "أحلام اليقظة" "#مش_عايزينك_ياسيسي_وهنخلعك.. المهمة انتهت يا غبيبي".
#مش_عايزينك_يا_سيسي_وهنخلعك شبعه بعد جوع وطلع النقص علي الشعب pic.twitter.com/ACkzZ1OUpG
— ebtesam farouk (@farouk_ebtesam) September 5, 2020
وغرد أحمد ريان "العميل الصهيوني مستكتر على الناس أربع حيطان تسترهم ده في الوقت اللي بيبني قصور علشان يعيش فيها والحجة أنهم مخالفين.. لا يوجد شرع ولا عرف ولا قانون يقول إن الناس دي يتعمل فيهم كده حتي الاحتلال كان أرحم من كده.. أخي جاوز الظالمون المدى".
( أم السيسي ) تندفن فى قبر بملايين ومن فلوس الشعب ، وطفل زي دا ينطرد من بيته وقوضته وسريره ويترمي فى الشارع كدا هو واهله؟!!
— Hanan Esmail (@HananEsmail9) September 5, 2020
انتوا ناس خلعت ضميرها وحطت مكانه فردة جذمة وهانحدفكوا بيها قريب ان شاءالله 😡#مش_عايزينك_يا_سيسي_وهنخلعك pic.twitter.com/DBPowrfvTX
وغرد المصري "بكلمات" "افرض ضريبة عاللي ماشي واللي قاعد.. افرضها حتى عالسكات. دا شعب ساكت من زمان.. افرض ضريبة عالمرض والهوا والدوا.. ما الشعب من بدري انكوى.. بحروب جمال و ساداات وكامبة وفساد مبارك.. افرض ضريبة عالوجع في سنين شقا.. جمعت فلوس بنت بيوت هديتها أنت".
اي حد يخبط ع الباب متفتحیش اكيد هتلاقيهم بيجمعوا غرامة الانتخابات او غرامة المرور او غرامة الرسوب او غرامه التصالح . أو غرامات الكهرباء او غرامة المياه
— 🌺زهرة اللوتس🌺 (@wardesham38) September 5, 2020
بصي انا هاخبط مرتين وهاكح مره #مش_عايزينك_يا_سيسي_وهنخلعك pic.twitter.com/HCsN6XzQB9
وعلقت رحيل أحمد على الإزالات: "#مش_عايزينك_ياسيسي_وهنخلعك.. دي سورية؟ لا العراق؟ لا.. دي جمهورية مصر المهدودة". ووجه عمرو رسالة للمصريين: "#مش_عايزينك_ياسيسي_وهنخلعك .. عزيزي المواطن عزيزي الفقير.. آمالك في بكره بتنقص كتير.. بتنقص بلادك أرض وبيوت.. بتنقص ولادك تبوت فوق تابوت".
يا جماعه المشكله كبيره فعلا طب الوليه الغلبانه دى مالها ومال السياسه لا تعرف مؤيد ولا معارض فالشماته ليست من ديننا الحنيف تقولى اظلمت تقوم تظلم غيرك الناس مغلوبه على امرها والله شئ يحزن مش دى مصر ابدا اللى بنحلم بيهاوبنخاف عليها #مش_عايزينك_يا_سيسي_وهنخلعك pic.twitter.com/O1qLlW5CRO
— اسعد (@jHp2ryfI9XSInUA) September 5, 2020
وكتب محمود عبده "مهما طال الوقت الظلم لازم ينتهي بأسوأ الطرق". وقال "تيكا" "مبارك وعلاء وجمال والعادلي وحسين سالم وأحمد عز أخدوا براءة، والغلابة دول هما اللي اتعدوا على أملاك الدولة". وكتب فهد "ما دام في رئيس يساوم شعبه أعرف أنه رئيس عصابات".
