سخرية من وزيرة الصحة المصرية: "لابسة الكمامة غلط"!

03 فبراير 2020
الصورة
لم تغطّ الأنف (فيسبوك)
+ الخط -
أثارت صورة لوزيرة الصحة المصرية هالة زايد، أثناء تفقدها لإجراءات الوقاية بمطار العلمين، حيث تجري الاستعدادات لاستقبال الطائرة المقرر وصولها من ووهان الصينية، والتي تقل المصريين العائدين بعد انتشار فيروس كورونا فيها، القلق والسخرية في آن. فقد ظهرت الوزيرة والفريق المصاحب لها وهم يرتدون ملابس الحجر الصحي، فيما كان لافتاً عدم استخدام "الكمامة" بشكل صحيح.

وأشعل ذلك التعليقات على مواقع التواصل الاجتماعي. وكتب أحد الحسابات "يعني يا سيادة وزيرة الصحة، حضرتك الكمامة دي مش المفروض تكون ع المناخير برده ولا انتي ضاربة رنجة؟!! والأستاذ اللي ورا جايب مجموع عالي جدا مثلا مخليه مايلبسش كمامة؟!!، كفاية بقى ضحك علينا واستحمار بعقولنا يا جهلة #كورونا".

وتساءلت نبيلة: "فيه دليل لجهل وزيرة الصحة أكتر من كده؟ لابسة الكمامة ومطلعة منخارها منها، طيب السؤال إذا كانت مش عارفة كيفية لبس الكمامة الصحية، كيف تعطي الأوامر الصحية للبلد؟! يا بلد حكمك الجاهل، ألف خسارة عليكي يا مصر!".

وبسخرية علّق محمد إسماعيل: "آه الفيروس بيخش من البق عشان كبير، إنما المناخير ضيقة عليه، إيش فهمك إنت". وأضاف عبد الله: "وزيرة الصحة بتستغل سلطتها، ومطلعة مناخيرها بره الكمامة، وعارفة إن الفيروس مش هايجيلها".

وشارك أحمد ماهر بصورة مقارنا: "كوكب الصين VS كوكب مصر!". وكتب محمود: "تخيلوا وزيرة الصحة لابسة الماسك غلط، لمجرد إنها تاخد اللقطة ومع نزول الركاب من الطيارة والله هاتقعد هي في قاعة كبار الزوار".

وغردت رشا عزت: "حد يقول لسيادة معالي وزيره الصحة، إن الكمامة معمولة للمناخير، إنت متخيل إن دي المسؤولة عن صحة المصريين؟ واللي بتتابع مدى جاهزيتنا وقدرتنا للتصدي لوباء فيروس كورونا بالوقاية والعلاج؟ حزلقوم فكرة".












المساهمون