عائلة سامي العدل تحيي ذكرى وفاته الثالثة

توافق اليوم ذكرى وفاة الفنان سامي العدل، الذي رحل عن 68 عاماً قبل ثلاث سنوات متأثراً بأزمة قلبية.

وكتبت أرملته الكاتبة الصحافية ماجدة نور الدين في حسابها الشخصي على فيسبوك: "ثلاث سنوات 7 يوليو ذكراك، بحبك ودايما فاكراك وعمري ما هنساك، وبترحم عليك وبدعيلك، كنت أنا والولاد عندك بنزورك، وقعدنا معاك، ويا رب تكون هديتنا ليك وصلت".

أما ابن شقيقه المخرج محمد العدل فنشر صورة كاريكاتورية لسامي، وعلّق عليها قائلا: "ذكرى وفاة أجمل إنسان في الدنيا الطيب.. الجدع.. الراجل.. اللي يعرف قيمة كلمته، اللي عمره ما أتأخر عن أي حد، الله يرحمك يا حبيبي.. ارتحت من الكدب والنفاق اللي إحنا عايشين فمسيرنا نتقابل".
ونشرت ابنته الممثلة رشا سامي العدل صورة تجمعها بوالدها على فيسبوك، وعلقت عليها قائلة: "ثلاث سنين النهاردة عدّوا عليا من غيرك وأنا في حالة توهان".

وأضافت: "سنة 96 كتبتلك جواب وصلته لمكتبك لما كنت مخاصمني عمري ما هنساه، وصفت حالتي من غيرك من 22 سنة، وهي هي نفس حالتي الوقتي بقالي ثلاث سنوات، شبّهت نفسي بالوطواط اللي تاه ودخل أوضة مليانة نور واتقفلت عليه ف فضل يتخبط في الحيطان ويقع ويقوم تاني يتخبط وهكذا تائه موجوع حزين".

وأضافت: "سيبتني بدري وماكنتش شبعت منك، سيبتني من غير ما تقول لي أعمل إيه في حياتي من بعدك واديني ماشية بخبّط في جدران الحياة وأقع وأقوم أتخبط، بدعي لك كتير أوى واللي ربنا بيقدرني عليه بعمله وبتمنى ربنا يتقبل مني علشانك أنت ربنا يرحمك ويحسن إليك". وطلبت رشا في نهاية كلامها من محبيه أن يقرءوا الفاتحة له".