سخرية من زيارة نواب السيسي للسجون: الشعب قدام الأقسام عاوز يتحبس

القاهرة

مباشر

16 أكتوبر 2017

سخر المعلقون من كذب الوفد (تويتر)

زار وفد من لجنة حقوق الإنسان بمجلس النواب المصري، أمس الأحد، برئاسة علاء عابد، منطقة سجون برج العرب لتفقُّد أحوال السجناء، والاطمئنان على سلامة أوضاعهم المعيشية وأوجه الرعاية المقدمة لهم. وكانت أبرز تعليقات الوفد الصحافي المرافق "مفيش ضرب، والمسجون بيختار ياكل سمك ولا لحمة كل يوم، فيه مسجون طالع ومعاه 30 ألف جنيه، وحتى النائب علاء عابد شاف كل حاجة بنفسه". وهو ما فتح شهية رواد مواقع التواصل الاجتماعي للسخرية مما وصفوه بالكذب المفضوح على الصور المرفقة للزيارة.

ومعلّقًا على السجين صاحب مبلغ الـ 30 ألف جنيه علّق عبد الله: "الواد ده بببيع برشام في السجن". وسخر بيدرو: "سمك ولحمة! دا لو الشعب لو عرف، هتلاقيه أُمم قدام الأقسام عاوز يتحبس". وأضاف آفياشن لورد: "بيعملوا عمليات شد وشفط وماسكات زبادي".

ومعلقّةً على إحدى الصورة كتبت فاطمة: "عندنا سجون فايف ستارز.. أيوه هما المساجين بتوعنا بيشربوا زيت مع الأكل بدل الكانز". وعن معنى "الصدفة" كتب حمدي: "سبحان الله الزيارة جت على فجأة في نفس توقيت لعب دوري أبطال السجون والفريقين لابسين فانلات موحدة وملعب لسه متخطط من ساعة".

وتساءل حازم: "لجنة حقوق الإنسان بالبرلمان تزور سجن برج العرب: السجناء سعداء بالإقامة في السجن ولا صحة لدعاوى الإهمال.. أنا شفت الفيلم ده قبل كده والله!". لتجيبه شيري: "اقتبسوا مشهداً من فيلم البريء بحذافيره والله".

وغرّدت الصحافية رشا عزب: "الضابط اللي بقى ماسك لجنة حقوق الإنسان رايح يشرف على أصحابه الضباط..بلد المهلبية".

وواصفاً الوضع بالتهريج كتب البلكونة: "ده مطعم سجن برج العرب أثناء زيارة وفد حقوق الإنسان..احنا بنهرج وعارفين إن هم كمان بيهرجوا وهم عارفين إننا عارفين إنهم بيهرجوا بس أهو هي ماشية كده بالدهلكة.. بنهرج ونشتغل بعض".

وكتب آيات محمد، وهي شقيقة أحد المعتقلين: "الغريبة بقى إن ده في سجن برج العرب يعني إللي كنا فيه إمبارح.. وأنا أقول أنس فرحان ومبسوط من القعدة ليه؟ أتاري عندهم كل ده.. حسبي الله ونعم الوكيل".

Twitter Post