غضب وسخرية من إدراج السيسي ناشطين وسياسيين في قوائم الإرهاب

24 نوفمبر 2020
عبد المنعم أبو الفتوح (يمين) وعلاء عبد الفتاح على قائمة "الإرهاب" المصرية (تويتر)
+ الخط -

تفاعل مغردون مصريون مع قرار محكمة جنايات القاهرة، المنعقدة بمأمورية طرة برئاسة المستشار حسن فريد، بإدراج 28 معارضاً في القضية 1781 لسنة 2019 حصر أمن دولة عليا في قوائم الإرهاب لمدة 5 سنوات، من أشهرهم رئيس حزب مصر القوية عبد المنعم أبو الفتوح، ونائبه محمد القصاص، والمحامي محمد الباقر، والناشط السياسي علاء عبد الفتاح.

وانتقد المغردون القرار واعتبروه انتقاماً سياسياً ينفذه الرئيس عبد الفتاح السيسي، بحق المعارضين، واتهموه بتسييس القضاء واستخدامه ضد معارضيه، واستباقا لتولي جو بايدن المعروف بانتقاده ملف الحريات في مصر الرئاسة الأميركية.

وكتب أحمد رجب: "‏إدراج علاء عبد الفتاح  في قائمة الإرهابيين هو تفريغ لمعنى "إرهابي"،  الإدراج مش هيضر علاء "المسجون ظلما"، لكن هيضر جدية القائمة نفسها ويحولها لمادة للسخرية. الإدارج اعتراف رسمي مسجل من الدولة أنها تستخدم "قوائم الإرهاب" سلاحا ضد المختلفين معاها دون أي تمييز وأي عقل".

ورأت "سين": "‏‎النظام بائس وعقليته محدودة لدرجة انه فاكر انه لو ستف ورق وظبطه وقدمه للأمريكان ومنظمات الحقوق هناك هيصدقوا ان الورق حقيقي وصادق .. حاجه كده أشبه بفيلم الزوجة التانية لما العمدة زور ورق وتاريخ الطلاق لفاطمة عشان يثبت للناس صحة الزواج والناس أصلا عارفة الحقيقة وان ده تلفيق وتزوير".

وغرد الفنان عمرو واكد: "‏ما ينفعش سلطة بالأساس ارهابية قائمة على مبدأ ارهابي وتهديد وفزع الغير بالسلاح تيجي وتعمل فيها دولة وتدرج اسم أي حد في قائمة الارهاب. فاقد الشيء لا يعطيه. انتم الإرهابيون وهتتحاسبوا.".

وهاجم أحمد جمال زيادة، النظام: "‏على الورق، أدرج النظام كلا من عبد المنعم أبو الفتوح، ومحمد القصاص، والمدوِن علاء عبد الفتاح، والمحامي محمد الباقر، في قائمة «الإرهابيين». لكن الحقيقة إن اللي كل اللي شارك في اعتقالهم هو الإرهابي الحقيقي اللي ميفرق عن داعش غير إنه لابس بدلة ميري! #يسقط_إرهاب_النظام".

وعلق علاء بيومي: "‏‎طول ما هو معاه القوة هيقدر يعمل اللي هو عايزه والقوة دي جاية من جيش وشرطة وقضاء وإعلام وناس معرضين وشعب مستكين.. وطبعا دول خارجية يهمها بقاء الوضع كما هو عليه لمصالحها الخاصة". وعلى العكس، هنأهم مصطفى غاندي: "‏ألف مبروك علاء عبد الفتاح وعبد المنعم أبو الفتوح وضْع أسمائهم في قائمة الشرف (الارهاب) تهمة الارهاب في مصر أصبحت وسام شرف على صدر كل حر رافض للظلم والقهر وكل من هو ضد العسكر".

وكتبت سالي يسري: "‏إدراج ناس زي علاء عبد الفتاح، في قوائم الارهاب هو اعتراف من النظام اللي بيحكمنا للي لسة بيحترموه وشايفين فيه الرجا انه آه يا جماعة أي حد مختلف عننا سياسياً حتى لو مجرد معارض سلمي، هنسميه ارهابي. وده معناه ان الارهابي الحقيقي احنا مش فاضيينله دلوقت خلينا في بتوع حقوق الانسان".

كما هتفت هدير مكاوي: "‏علاء عبد الفتاح وباقر وقصاص مين اللي على قوائم الارهاب، الارهاب دة هو اللي بيحكم وفاتح سجونه لشعب بأكمله، لما مواطن فيهم بيعترض أسهل ما بيحصل ليه، أمين شرطة بيطلع مسدسه وينهي حياة المواطن الغلبان!  #الإرهاب_لابس_ميري #يسقط_إرهاب_النظام".

وتعجبت علا شهبة: "‏علاء وباقر والقصاص وأبو الفتوح اتحطوا على قوائم الإرهاب!! انتم قررتوا ان جنانكم مش ظاهر كفاية ولا تتشات الحقارة بتأكلكم ولا ايه الخبل ده! #الحرية_لعلاء_عبدالفتاح #الحرية_لقصاص #الحرية_لباقر #الحرية_لعبدالمنعم_ابوالفتوح".

وبمرارة قال محمد رحيم: "‏أد ايه الظلم بيوجع .. أد ايه الظلم مؤلم.. عمرك في يوم جريت إحساس المظلوم وهو مش قادر يعمل أي حاجة ... غير أنه بيقول يا رب وعينيه مليانة دموع... وكمان دموعه مش عاوزة تنزل. #عبدالمنعم_ابوالفتوح #علاء_عبدالفتاح على قائمة ‎#الإرهاب!!! الظلم ظلمات وعند الله تجتمع الخصوم".

المساهمون