مصريون يسخرون من محافظ يطلب المساعدة في الوصول إلى المسؤولين

سخر المغرّدون المصريون، اليوم السبت، من تصريحات محافظ جنوب سيناء، خالد فودة، التي طالب خلالها بتوفير مدارس للبنات وإيصال صوته للمسؤولين. وفيما استعاد الكثير منهم جملة الممثل المصري محمد صبحي الشهيرة "أنا سألت المسؤولين، قالولي إحنا كمسؤولين مش مسؤولين"، طالب البعض الآخر بإعادة تغريد الخبر عله يجد من يهتم ويجيبه.

وقال فودة، خلال مقابلة تلفزيونية "يا رب صوتي يوصل للمسؤولين، البنت السيناوية (في سيناء) في منتهى الذكاء وشاطرة جداً وقيادية، لكن المدارس اللي في الوديان آخرها المرحلة الابتدائية والأسر بتكمل تعليم ولادها (الذكور) في المدن لكن البنات بيقعدوا في البيت، ده أمر غير لائق بالمرة". 

اللواء خالد فودة محافظ جنوب سيناء يناشد "المسؤولين" بناء مدارس اعدادي وثانوي عشان البنات السيناوية مش بيكملوا تعليمهم بسبب قلة المدارس.

معلومة بسيطة : اللواء خالد فودة محافظ جنوب سيناء منذ أغسطس ٢٠١١. pic.twitter.com/AJwdO7pRPC

— Ahmed Ragab (@Ragab) March 18, 2023

وعلّق المغردون، على طلب المحافظ بأن يصل صوته إلى المسؤولين، مذكرين إياه بمهامه ووظيفته ومسؤولياته.

سوشيال ميديا

التحديثات الحية

سخرية من محافظ مصري يحارب البطالة بـ"قرض البط"

وكتب السيناريست وائل حمدي على "تويتر": "فشل ذريع في الوصول لأي تعليق مهذب".

فشل ذريع في الوصول لأي تعليق مهذب https://t.co/1scQF1mTDH

— Wael Hamdy (@waelhamdywriter) March 18, 2023

بينما تعجب المغرد إسلام صالحين، قائلاً: "بيشتكي لمين سيات الحكومة باشا معلش؟!!، نقف على دماغنا طيب يمكن نفهم". 

بيشتكي لمين سيات الحكومة باشا معلش ؟!! نقف على دماغنا طيب يمكن نفهم https://t.co/5sHwY9cajI

— اسلام صالحين (@EslamSalheen) March 18, 2023

كما سخر المغرد حسين مهران، قائلاً: "اعملوا ريتويت يا جماعة، عشان صوت الراجل ده يوصل للمسؤولين.... إيه ده؟!". 

اعملوا ريتويت يا جماعة عشان صوت الراجل ده يوصل للمسئو.... إيه ده ؟! https://t.co/XOz52Q11ip

— حسين مهران (@TheAlexArch) March 18, 2023

وكذلك المغردة منى محجوب، كتبت على "تويتر": "أنا عارفة إن جنوب سيناء بعيد، وعلى ما تسافر بالجمل الموضوع بياخد وقت، بس يعني مش لدرجة هاتكلم المسؤولين عبر وسائل الإعلام، حاول تشيع لهم تلغراف أو تضرب لهم ترانك".

انا عارفة ان جنوب سيناء بعيد و على ما تسافر بالجمل الموضوع بياخد وقت .. بس يعني مش لدرجة هتكلم المسئولين عبر وسائل الاعلام حاول تشيع لهم تلغراف او تضرب لهم ترانك https://t.co/sGRQzCpvnS

— ‏﮼مِيمَا﮼ (@MonaMahgub) March 18, 2023

وشارك المغرد فرج نصار بالقول: "محافظ جنوب سيناء، ولواء سابق، ونسيبه رئيس الجمهورية، وعايزنا نوصل صوته للمسؤولين". 

محافظ جنوب سيناء ولواء سابق ونسيبه رئيس الجمهورية وعايزنا نوصل صوته للمسئولين https://t.co/4x7tFRpSAx

— فرج افندي نصار (@faragnassar5) March 18, 2023

وبينما علّق المغرد سالم قائلاً: "بيزاحمونا حتى في الايفيهات"، نبهت المغردة شيري، المحافظ قائلة: "باشا.. حضرتك المسؤولين".

بيزاحمونا حتى في الايفيهات https://t.co/vZscUBEouU

— سـالـم (@Salem309) March 18, 2023

باشا … حضرتك المسئولين ! https://t.co/CGsVknNNXw

— شيري (@TrueXela) March 18, 2023

وذهب المغرد رامي، إلى التفسير كاتباً: "مش عارف ليه السخرية منه، ده راجل عنده اتساق مع النفس، وعارف إن مافيش غير مسؤول واحد في البلد، والباقي موظفين ولا واحد فيهم يملك قرار". 

مش عارف ليه السخرية منه،ده راجل عنده اتساق مع النفس وعارف أن مافيش غير مسؤل واحد في البلد والباقي موظفين ولا واحد فيهم يملك قرار https://t.co/XMm9DVBQtF

— Rami (@Ramiii_22) March 18, 2023