لقطة عن النوبة في مؤتمر الشباب تُشعل غضب المصريين

لقطة عن النوبة في مؤتمر الشباب تُشعل غضب المصريين: "لاجئون في بلدنا"

06 نوفمبر 2018
أغضبت اللقطة المصريين (فيسبوك)
+ الخط -
ضمن فعاليات "منتدى شباب العالم" المقام في مدينة شرم الشيخ في مصر، عُرض فيلم تسجيلي تضمَّن لقطةً لعائلةٍ من النوبة تقول "إحنا نوبيين جايين من السودان واستوطنّا في مصر"!

وأثارت تلك اللقطة غضباً ونكأت جراح أهل النوبة على منصات مواقع التواصل الاجتماعي.
وكتب عبد الرحمن العمدة: "لقطة من فيلم تم عرضه في #مؤتمر_الشباب في شرم الشيخ، في تزييف علني للحقائق، نحن لا نكتب التاريخ فالتاريخ يكتبنا، فنحن النوبيين كنا وما زلنا أهل لغة وحضارة وأصالة، ممتدة الجذور، ولم يكن أحد قادراً على طمس هويتنا، ليس غرورا منا ولكن التاريخ يشهد لنا دائما #النوبة".

وعلق زياد بودا: إحنا من السودان معنديش أي مشاكل، نتعامل بقى يا باشا معاملة الأجانب بعد إذنكم، وباسبورات بقى عشان نسافر، وفوق كل ده إثبات إن كدة يعتبر من النوبة لحد حلايب بتاعت السودان، ولا تقولي بقى الملك فاروق ملك مصر والسودان ولا الكلام الفارغ ده، خلاص الملك فاروق اتحلل وبقى بترول كمان خلاص #النوبة".


وأضافت ضحى مصطفى: "أنا ليه متعصبة من حتة النوبة اللي في فيلم منتدى شباب العالم دا بجد؟ يعني عايز يطلعنا لاجئين وجايين من السودان؟ والله هو يعني أكيد نبقى من السودان أحسن من مصر كدا كدا، أو الأحسن بقى بما إننا مش مصريين يعني ناخد السد العالي، وأرضنا والنبي اللي أخدتوها ونستقل بقى ولا مصر ولا سودان".

وكتب حساب باسم ليالي نوبية: "المفترض دي لقطة من فيلم بيتم عرضه في #مؤتمر_الشباب في شرم الشيخ.. طبعاً محدش هناك هيعترض، في النهاية عايزين يطلعوا سكان البلد الأصليين إنهم أصحاب جنسية تانية، طبعا إحنا والسودانيين دم واحد ومش ده الخلاف، لكن أم الدنيا بتقولنا محدش يطالب بحقه وكفاية مقعدينكم معانا".

فيما طرح حمادة عدة أسئلة: "إحنا النوبيين جايين من السودان واتوطنّا في أسوان، دي جريمة بيتم تسويقها في منتدى الشباب، على إننا أهل النوبة لاجئين في بلدنا، عن فيلم تم عرضه بمؤتمر الشباب ما المقصود بيه؟ ولماذا يتم عرضه في مؤتمر يحضره شباب من مختلف بلدان العالم؟".

وفي ما يشبه الإنذار، كتب أحمد سيالة: "إن لم تعتذر الدولة المصرية بشكل علني وتحاسب بشكل علني كل مسؤول عن المهزلة دي.. أنا عن نفسي هاشكرها على هذا المستند اللي هقاضيها به من أجل حقوقي كمنطقة مستعمرة كل الفترة اللي فاتت. #أنا_نوبي #اللي_مش_فاهم_يوسع #مين_بيدعو_للانفصال_ناو".

وكتبت أميرة أبو شهدة: "في منتدى شباب العالم في شرم الشيخ فيلم تسجيلي تم فيه عرض تلك اللقطة "إحنا نوبيين جايين من السودان واستوطنا في مصر!"، لا يمكن اعتبار المشهد عابرا وغير مقصود. في مشهد مهين جمع فيه بين جهل فادح بالتاريخ، واعتبروا النوبيين غير مصريين الأصل، في تخلف لا مثيل له، وكذب فج له تبعاته. لا أعلم من مصمم ذلك الإعلان ومن الذي وجّهه لتلك الجريمة، وما أهدافها! النوبة جزء أصيل من جغرافيا وتاريخ مصر، من بدايات حضارتها ومن قبل التاريخ. كل التضامن مع نشطاء النوبة ضد تلك العنصرية، وضد ذلك الجهل والكذب الدنيء".


المساهمون