#بتكره_في_مصر_ايه؟ الظلم والفساد

من جديد يعود وسم #بتكره_في_مصر_إيه؟ لتصدر قائمة الأكثر تداولاً، والذي يكرر رواد التواصل التغريد عليه، مع تصاعد الأزمات والإحباطات في حياة المصريين، من ارتفاع أسعار الوقود ومنتجات البترول، وفواتير المياه والكهرباء.

وآخر هذا الإحباط فشل منتخب مصر في كأس العالم المقامة حاليا في روسيا، وكان الفساد والمحسوبية، والظلم والاستبداد، أهم ما يكرهه المصريون في بلدهم.

اللافت هو انتشار التغريدات باللغة الإنكليزية على الوسم، وكذلك محاولات الكتائب الإلكترونية البائسة إيقاف التغريدات عن السلبيات، والدعوة للتغريد عن الإيجابيات، التي لم يستجب لها أحد.

وغرد محمود: "‏‎#بتكره_في_مصر_ايه؟ الظلم، الرشوة، الفساد، الكبت، السيسي، الأسعار، الجهل، السرقة"، وعبر صاحب حساب "هتلر" عن يأسه: "‏‎#بتكره_في_مصر_ايه؟ احنا الجيل اللي عمرنا ما هنقول ليت الشباب يعود يومأ".

أما صاحب حساب "الشاب الحريف" فاشتكى: "‏‎#بتكره_في_مصر_ايه؟ الداخلية اللى قابضة على اخواتي الاتنين أيمن 27 سنة وأحمد 23 سنة وخفياهم بقالها 54 يوم منعرف شئ عنهم .. وحسبنا الله ونعم الوكيل. #ارحل_يا_سيسي".

وشارك حساب منسوب للاعب الكرة السابق رضا عبد العال: "‏1- النفاق 2- التطبيل 3- المحسوبية 4- سوء استخدام السلطة. #بتكره_في_مصر_ايه".

بدورها، غردت فاطمة عمر: "‏‎#بتكره_في_مصر_ايه؟ السيسي واللي بيحبوه والظلم والتعذيب، والقتل وتدمير مستقبل الشباب والاطفال اللي في المعتقلات، وحتى الناس الكبيرة، هو كل ده مش كفايا عشان نفهم ليه حياتنا بقت سوده وكانها لعنة في البلد، ازاي ربنا يوفقنا واحنا عندنا الظلم مستمر وساكتين!".

من ناحيته حاول أحمد ياسر التفصيل: "‏‎#بتكره_في_مصر_ايه؟ النظام التعليمي الفاسد، المحسوبية، العنصرية، العجز، اليأس اللي بيتصدرلنا كل يوم، الإعلام الموجه، البطالة، المرض، الفقر، الجهل اللي منتشر في الصعيد كله، مجهود الناس اللي بتقاتل كل يوم علشان لقمة العيش والحكومة تيجي عليهم، البيئة المسممة.".

ولفتت "غربة الياسمين" لأمر: "‏باقي ذكي يوسف صاحب فكرة تحطيم خط بارليف بخراطيم المياه دi واحد من أبطال حرب أكتوبر ودي جنازته مش جنازة عسكرية! مافيش علم يتلف بيه؟ مافيش ذكر ليه حتى فى وسائل الإعلام! بكره عدم التقدير للناجحين وتفشيلهم، بكره الفساد والواسطة والمحسوبية، بكره السلبية وتكبيرالدماغ. #بتكره_فى_مصر_ايه؟".

وأكد مغرد آخر: "‏‎#بتكره_في_مصر_ايه؟ أكتر حاجة عليها إجماع هي الظلم والفساد والمحسوبية وأحمد موسى".