اتهامات لنظام السيسي بإخفاء الأطباء: #أحمد_صفوت_فين؟

04 يوليو 2020
الصورة
طالب المغردون بالكشف عن مصير الطبيب الشاب (تويتر)

دشن مغردون مصريون وسم "#أحمد_صفوت_فين"، متسائلين عن مصيره بعد اختفائه منذ نحو أسبوع. وهو أحد الأطباء المعروفين على مواقع التواصل الاجتماعي، وعضو في "نقابة أطباء القاهرة".

ويعكس الوسم تطوراً كبيراً في مناوشات نظام الرئيس المصري عبد الفتاح السيسي مع الكوادر الطبية، منذ بداية أزمة تفشي فيروس كورونا الجديد. وقد بدأت الحملة بتخوين الأذرع الإعلامية للأطباء واتهامهم بالتقصير، ثم محاصرة نقابتهم.

وطالبت إحدى المغردات، وتدعى غالية، النائب العام بالتحقيق، واتهمت الشعب والأذرع بالتقصير قائلة "‏يا حضرة النائب العام، في شاب دكتور مختفي قسرياً محدش عارف عنه حاجة لو مفيهاش إساءة أدب شوفهولنا، وإعلام بلدنا الجميل معداش  على معدينكم خبر اختفاء أحمد صفوت؟ أما شعب مصر الجميل فانتوا ليكم جنب لوحدكم والله ربنا يتولاكم بدعواتنا إن شاء الله. #أحمد_صفوت_فين".

وأشاد به محمود أنس: "‏دكتور أحمد صفوت الجدع اللي بيساعد الكل اختفى من 5 أيام عشان قال رأيه بس بدون ما يدخل في سياسة ولا غيره قال رأيه في المنظومة الصحية.  #أحمد_صفوت_فين".

ووافقته إسراء: "‏أحمد صفوت تقريبا أكتر حد كان بيساعدنا ويقف جنبنا وعمره ما اتأخر عني في أي حاجة سألته عليها ومش عدل أبدا يكون جزاؤه إنه يختفي لمجرد إنه قال رأيه ـ اللي هو بالمناسبة أمر واقع وكل الناس شايفاه يعني ـ أقل حاجة نعملهاله نقف جنبه بالكلام اللي للأسف معندناش غيره... ‎#أحمد_صفوت_فين".

وتعجب أحمد رشدي مما سمّاه "الفجر في الخصومة": "‏طبيب عادي معملش أي حاجة غير خدمة زمايله وتوضيح كل الأمور الخاصة بالتكليف والنيابات للسنة الرابعة تقريباً، وكلام عن حقوق الأطباء ورفض اتهامهم بالتقاعس في الوقت اللي قدموا فيه 100 شهيد وآلاف المصابين. ليه يتم اعتقاله؟ ليه الفُجر الشديد ده؟ #أحمد_صفوت_فين؟".

وأدلت مرحه بشهادتها عنه: "‏كنا في مره بنتكلم وباقوله انت فعلا محتاج تفصل وترتاح شوية. قالي ازاي بس والدكاترة مين يساعدهم جروبات الشات عندي واصلة آلاف الرسايل. دي آخرتها مع حد كان كل هدفه انه يخدم وان الدنيا تتصلح. #احمد_صفوت_فين".

وتعجبت ايمان عثمان: "‏عارفين يعني ايه واحد زي د أحمد مختفي بقاله أسبوع!! طبيب طوارئ من أول يوم في الأزمة واقف وشايل عنك كتير يا بلد!! شاب وظف وقته وجهده عشان يخدم كل مريض كل زميل له للنهوض بالمنظومة في عز ما إدارة الازمة نفسها بتضرب بمصلحة المواطنين عرض الحائط! ‎#احمد_صفوت_فين".

وأشار نادر سليمان لآخرين: "‏حسبنا الله ونعم الوكيل.. آلاء وبعدين أحمد وفي غيرهم كتير عشان ايه؟؟ الدكاترة للأسف ملهاش سند في البلد دي. #أحمد_صفوت_فين".