مصر تعتقل طلاب الثانوي: اعترضوا على فشل امتحان "التابلت"

اعتقال طلاب الثانوي في مصر: اعترضوا على فشل امتحان "التابلت"

21 مايو 2019
طلاب بعد امتحانات الثانوية في مصر (العربي الجديد)
+ الخط -

شهدت عدة محافظات مصرية اليوم الثلاثاء، تجمهر مئات من طلاب الصف الأول الثانوي عقب أداء امتحان اللغة الفرنسية، احتجاجاً على صعوبات ومشاكل الامتحان وفق النظام الإلكتروني الجديد "التابلت"، مطالبين وزير التعليم بضرورة إيجاد حلول واقعية لتكرار "سقوط السيستم".

من جانبها، واجهت قوات الشرطة الاحتجاجات باعتداءات واعتقالات طاولت طلاباً وطالبات قُصر بحكم القانون، وهو ما ظهر في مقاطع فيديو شاركها طلاب ومواطنون على مواقع التواصل الاجتماعي.
وكتبت روان: "لما ده يحصل لطالب 17 سنة عشان مش عايز التهريج اللي بيحصل معانا، والطلاب والطالبات اللي اتخدو على قسم الشرطة المفروض عندهم امتحان بكره. المفروض نشوف مستقبل مصر إزاي؟ #أولي_ثانوي".
وكتب كريم أمين: "دول من مدرستي الأورمان. بيعملوا فيهم كده أمام وزارة التربية والتعليم #أولى_ثانوي".
وكتبت إيمان: "اعتداء قوات الأمن على طلاب أولى ثانوي، وتفريق تظاهراتهم أمام مبنى محافظة الإسماعيلية، لاحتجاجهم على صعوبة امتحان الأحياء وفشل منظومة "التابلت". مين يصدق إن طلبة لسه في العمر الصغير ده عملت القلبان ده، فيجيلهم قوات أمن من الرعب اللي عملوه، وعندهم كل الحق في الدفاع عن مستقبلهم".



وعلق حمادة: "وبعدين يقولك حبوا مصر والانتماء والوطنية، وكل الكلام الكبير المجعلص ده، وهم أول ناس بيقتلوه في ولادنا اللي لسه في أولى ثانوي، واللي في نظر القانون لسه قصر".
وغرّدت شيماء: "قصة قصيرة حزينة، إنتم فاكرين إن دا بلطجي أو تاجر مخدرات من عدد الشرطة اللي محاوطينه؟ دا شاب عنده بالكتير 16 سنة، وطالب في أولى ثانوي بيعترض مع زمايله، وبيقول ياللي بتسأل إحنا مين؟ إحنا الطلبة المظلومين.. فقبضوا عليه".

وكتبت دنيا المغاوري: "عايزه بس أقول حاجة، طارق شوقي اتكلم في التليفزيون بكلام حلو يخليك تحب النظام وترتاح له، عشان كده معظم الناس اللي ملهومش حد في أولى ثانوي شايفينو حلو واحنا بنستهبل، بس الكلام اللي بيقوله مالوش أي علاقة باللي إحنا فيه حرفياً، فمتحكموش علينا".



وكتب وائل أبورية: "الواحد مبهور من إنجازات وزير التعليم، وبالذات نظام امتحانات أولى ثانوي السنة دي. بجد تجربة فريدة يجب أن تُدرّس في العباسية" في إشارة إلى مستشفى الأمراض العقلية في مصر.
وكتب محمد أشرف: "كلمة لطلبة أولى ثانوي: تعليم إيه اللي تموت نفسك فيه، سيبوا الوزير يعمل اللي عايزه؛ كدا كدا مصر برا التصنيف العالمي للتعليم. يعني في نظر العالم انتوا جهلة. كبّروا مخكم وخدوا الثانوية فسحة".


دلالات

المساهمون