#ريهام_سعيد على خطى السيسي... تنمر وعنصرية ضد البدناء

#ريهام_سعيد على خطى السيسي... تنمر وعنصرية ضد البدناء

23 اغسطس 2019
انتقادات مصرية وعربية واسعة لتنمر ريهام سعيد (يوتيوب)
+ الخط -
هاجم مغردون مصريون وعرب، المذيعة المقربة من الأجهزة الأمنية، ريهام سعيد، بعد تبنيها خطاب الرئيس عبد الفتاح السيسي، في هجومه السابق على أصحاب الوزن الزائد، ووصفها لهم بـ"الميتين"؛ إذ قالت خلال حلقة برنامجها "صبايا" على فضائية "الحياة" التابعة لجهاز المخابرات العامة "الناس التخينة ميتة ومش عايشة وعالة على الدولة وشكلها بيشوه المنظر".
وأكدت سعيد شكوك المنتقدين لها وأوضحت سبب تهجمها على البدناء "الريس السيسي عمل مبادرة علشان الناس تخس واتعمل عليها كوميكس وده جهل".

ووصف ناشطون هجوم سعيد بالتنمر والعنصرية ضد أصحاب الوزن الزائد، ووصل الهجوم باسمها إلى قائمة الأكثر تداولاً في مصر طوال يوم أمس الخميس، وانضمام بعض العرب للهجوم، رغم مرور يومين على حلقة برنامجها.


وبعد الهجوم عليها، اتهمت سعيد منتقديها بالانتماء للإخوان المسلمين، ووصفتهم بعبارة "اللي مش عاوزين يدعموا مبادرة الرئيس السيسي"، كما نقلت عنها مواقع إلكترونية مؤيدة وبعض الأذرع.


وكتبت جيهان عطية: "‏بصراحة إنتي حضرتك اللي أكبر عبء وتشويه لينا احنا كمصريين بتكلمي بأسلوب مستفز دون مراعاة مشاعرهم.. مين قالك أن الواحدة لما تكون زايدة بالوزن تبقى كده فقدت أنوثتها.. قمة في الجهل والمتاجرة بمشاعر الآخرين لغرض التطبيل مش أكتر ..التشويه الحقيقي هو وجود مذيعة بالعنصرية دي. #ريهام_سعيد".

وعدد كمال النجار خطايا المذيعة "‏‎#ريهام_سعيد بقت تريند بعد وصفها لأصحاب الوزن الزائد بأنها ميتة وعبء على أهلها. تاريخ ريهام سعيد ايه؟ هي ياسمين النرش وفتاة المول ومعونات السوريين ولو عاوزين تعرفوا تفاصيل كل حدث من دول اعملوا سيرش على جوجل.. تاريخ ريهام سعيد كفيل بالحكم عليها".

وغردت مورة "‏‎#ريهام_سعيد دي بجد حسبي الله ونعم الوكيل فيها عشان هب قبل ما تطلع تلطش بكلامها في الناس مافكرتش ثانية واحدة بس هاتوجع مين وازاي ولا هاتكره مين في عيشته ولا مين معهوش يعمل العمليات اللي عملتها عشان تخس ولا مين معهوش يجيب أكل مخصوص للدايت .. عموما ربنا يدر لها الأذية بالمثل".

وعلق الشاعر أمير طعيمة: "‏‎#ريهام_سعيد: حتى الحماقة لازم يبقى ليها حدود وخطوط حمراء". وأشارت ميما: "‏‎لا بتكرر كلام السيسي يمكن يرضي عنها". وكتب صاحب حساب "عسل أسود": "‏ريهام سعيد بتهاجم أصحاب السمنة وبتقول عليهم انهم بيشوهوا المنظر وعبء على الدولة تحس كدا انها بتأكلهم من بيت أهلها".

وأكدت شروق: "‏مش عارفة مين أغبى.. ريهام سعيد ولا الناس اللي لسه بتتفاجئ دلوقتي انها تراش مشمتش ريحة الأدب مع ان ليها مواقف متكررة اثبتت ده". ووصف حساب "مغربيات": "‏ريهام سعيد: الناس التخينة عبء على المجتمع وبتشوه المنظر.. كمية الوقاحة والبجاحة في هذا المقطع لا تطاق".

وتساءلت سناء بنادة: "‏حد يأكدلي صحة الكلام ده أرجوكم ‎#ريهام_سعيد لأنه يعتبر قمة في الوقاحة واللاإنسانية. في ناس مريضة بالسمنة في ناس عندها أمراض وراثية أو أمراض غدد تؤدي لزيادة وزنها ...ايه مستوى الجهل والتفاهة الي العالم وصلتو له ده".

وتعجب حساب "هيئة المشاهير": "‏السمنة قد تكون بسبب الأدوية أو وراثة أو بمزاجها وهيا حرة .. ليه احتقار الآخر والكلام المتعجرف والجارح ده!!". 

المساهمون