"#الثورة_قادمة" يعود إلى "الترند" راصداً فشل السيسي

وكتب كريم أبو ياسين: "‏لحد امتى الكماين تتضرب ومتعرفش تحميها.. إن شاء الله سيأتي يوم تترد فيه المظالم. ‎#الثوره_قادمة".

وغرّد عمرو ميرو: "‏أنا أعرف واحد وهو مدير المخابرات الحربية فشل في تأمين الجنود.. وهوا بردو وزير دفاع فشل في تأمين الجنود.. وهوا رئيس بردو فشل في تأمين الجنود.. بس الحمد لله هوا ناجح بس في سرقة البلد وبيبعه كمان. #الثورة_قادمة".

وقالت ضحى علاء: "‏من ساعة ما شفنا السيسي وكل شوية قلوبنا تتحرق على موت شبابنا والمفروض نصدق شوية الهبل اللي عايزين يقنعونا بالعافية أنه حامي الحما والمنقذ كل الوعود اللي بتقولها وكل المشاريع اللي بتعملها فاشلة.. #السيسي_بيقتل_جنودنا ‎#ارحل_ياسيسي ‎#الثورة_قادمة".

وعدّد أمير القادري: "‏السيسي باع النيل.. السيسي باع سينا.. السيسي قتل العساكر.. السيسي سجن المصريين.. السيسي سرق مصر.. السيسي فضيحة لمصر.. السيسي بتاع الصواريخ البلاستيكية. #الثورة_قادمة #ارحل_ياسيسي".

ووافقه جعفر: "‏تفريط في الأرض.. تيران وصنافير شاهدة على الخيانة والعار.. تفريط في الغاز.. ودفع تعويض لإسرائيل 500 مليون دولار.. جريمة لن تسقط بالتقادم.. تفريط في مياه نهر النيل بفشل وتقاعس سيكون نهاية حكم عصابة عسكر.. تحكم بالتفريط والخيانات #مليونية_ضد_التطبيع #الثورة_قادمة".

وتساءل صاحب حساب "مواطن مصري": "‏سؤال السيسي عنده ثلاثة أولاد في الجيش والقادة العسكريين الكبار أكيد لهم ولاد في الجيش مسمعناش عن شهيد ابن لواء ولا أبوه كان ظابط كبير ولا مسؤول مهم.. اشمعنا دول مش بيروحوا سيناء وبيستشهدو هناك.. ولا هما الغلابة ولاد الغلابة دول هما اللي يستشهدو وأهاليهم اللي يتحصروا. #الثورة_قادمة".

ووجّه صاحب حساب "هزاع" حديثه إلى المطبلين: "‏على فكرة بقى انت لو مش مستفيد من السيسي وخرابه في مصر مش هتطبل وتعرض له.. ولما تكون من الغلابة ومن عامة الشعب هتحس على دمك وتبطل تطبيل. #الثورة_قادمة".

وبمرارة قالت ريري: "‏جنودنا خيرة شباب مصر بس السيسي استعبدهم وخلّاهم بياعين قوطة وخيار وفاصوليا.. لاء وكمان بيضحي بيهم مع مليشيات حفتر ويحرق  قلوب أهاليهم. #السيسي_بيقتل_جنودنا #الثورة_قادمة".

وتوقع حساب "بارباروسا": "‏‎#الثورة_قادمة.. أقسم بالله في ناس هتموت في الجيش أكتر ولسة والله في شباب بتموت ملهاش ذنب بسبب الحرامية والفشلة الي قلبوا الجيش دكانة.. يسقط يسقط حكم العسكر".

كذلك تعجّب حساب "بحر" من مسلسل "الاختيار": "‏وانتوا بتحاربوا الإرهاب بالسلاح المتطوّر ولا بالمصايد والكمائن _ لا احنا بنحاربه بالمسلسلات والأفلام. ‎#الثورة_قادمة".

وكتب محمد: "‏عندما يتحول المواطن إلى دافع ضرائب.. عندما تعجز الدولة عن إطعام أمعاء الفقراء.. وعندما يتحول عدد من الفقراء أداة في يد الأثرياء.. وعندما يتحدث باسم الدين أشباه الرجال.. فاعلم أنك تعيش في بلاد الظلم. ‎#الثورة_قادمة".