تخفيف الحظر يثير غضب المصريين

تخفيف الحظر يثير غضب المصريين: الحكومة لا تهمها حياة الناس

08 ابريل 2020
طالب المعلقون بالمزيد من الإجراءات (زياد أحمد/Getty)
+ الخط -
قرّر رئيس مجلس الوزراء المصري، مصطفى مدبولي، في مؤتمر صحافي عُقد اليوم الأربعاء، مد فرض حظر التجول حتى 23 إبريل/نيسان، مع استمرار جميع الإجراءات التي تم اتخاذها مسبقاً، لكن مع تقليل ساعات الحظر اليومية بمقدار ساعة. القرار قوبل بهجوم وتساؤلات على مواقع التواصل الاجتماعي.

كتب الديكتاتور العادل: "‏بدل ما يعمل حظر كامل علشان يقدر يسيطر على الفيروس، قبل ما يتحول لوباء ياكل في المصريين، راح مد ساعات الحظر علشان مصالح البشوات ما تقفلش.. الفقراء دائما هم الضحية".

وشاركه جمال: ‏"فيه تناقض كبير بين الصورتين، إنت ف إيه بتمد الحظر، وف إيه بتعطي ساعة إضافية للناس تمشي ف الشوارع ويتزاحموا ويتجمعوا، دا عكس الأرقام الزايدة عندك ف بلدك، وكمان عكس قلة الإمكانيات اللي انت بتتحللهم كل يوم، يا أخي فوق الناس لسه بتلمس بعضها، دول العالم بتفرض حظر كامل، وانت بتزود ساعة!".

‏وبدعاء جاءت مشاركة محمد صلاح: "الحكومة زودت مدة حظر التجوال 15 يوماً كمان، بس من 6 صباحاً لـ8 مساءً بدل 7، وبكده مفيش حظر كامل وربنا يسترها عليكم وعلينا". ‎

وغرّد علي حسن: "‏نتوقع زيادة الإصابات اليومية للمواطنين من كورونا، ده كلام د. مصطفى مدبولي يبقى الحل نقلل ساعات الحظر لعشر ساعات، بس الحكومة بتلعبها لعبة اقتصادية ومش مهم حياة الناس".




وكتب يوسف: ‏"خلاصة مؤتمر السكرتير ‎#مصطفى_مدبولى (القائم بأعمال رئيس الوزراء): البلد تحت ملكية العسكري ‎#السيسى، وكان واضح بعد مهرجان الكمامات بتاع إمبارح إنه هايقلل ساعات الحظر، وبرنامج إصلاح إيه اللي نجح؟ ده انت ديونك الخارجية تعدت 100 مليار دولار، والقدرة الشرائية للناس وصلت لأدنى مستوى".

وسخرت زهرة مستعيدة مشهداً سابقاً: ‏"رئيس الوزراء خايف من تضاعف الأرقام لمصابي فيروس ‎#كورونا، لا والله عشان كده قللتوا ساعات الحظر في وقت معظم بلاد العالم الحظر فيها كامل، ومستشفياتنا مافيهاش أقل أدوات الوقاية، رحتوا أرسلتوا شحنات للصين وإيطاليا، حكومة خالف تُعرف بتدير البلد بنظام الشو الإعلامي، والشعب ولا على بالهم".

وعن إعلان مصطفى مدبولي التبرع بنسبة 20 في المائة من رواتب الوزراء والعاملين بمجلس الوزراء لدعم المتضررين من الأزمة، وخاصة العمالة غير المنتظمة، سخرت أميرة: "‏خصم 20 بالمئة من مرتبات الوزراء نكتة المضيفة: إحنا على ارتفاع ٣٠٠٠ قدم، رد عليها واحد إهبدي، يعني حد هايقيس وراكي، إهبدي يا حكومة، حد كان شاف مرتب الوزير بعد الخصم". ​

وشاركت هاجر هشام: "‏مجلس الوزراء أعلن التبرع بـ20 في المئة من مرتبات أعضائه لمدة 3 شهور لدعم العمالة غير المنتظمة، وهي بادرة جميلة جداً، السؤال هنا: 20 في المئة اللي هو كام؟".

المساهمون