مصريون يرفعون شعار #مش_دافع في مواجهة #حظر_التجول
دشن مغردون مصريون وسم #مش_دافع، ضمن حملة إلكترونية لمطالبة المواطنين بعدم دفع فواتير الكهرباء والغاز والمياه والاتصالات، نظراً للظروف التي تعيشها البلاد بسبب فيروس كورونا المستجد، ومطالبة الحكومة بإيقاف التحصيل لمدة 6 أشهر، مع توقف مصادر دخل الملايين من المواطنين بسبب حظر التجول، متسائلين عن نصيب المواطن من الـ100 مليار جنيه التي خصصها الرئيس عبد الفتاح السيسي، وذهب معظمها لدعم الصناعة والسياحة والاستثمار، ولم يذهب منها شيء للمواطن البسيط.
وكتب حساب "دكتور شديد أوي": "#مش_دافع فاتوة الغاز.. مش دافع فاتورة الكهرباء. مش دافع فاتورة الاتصالات.. معظم البلاد أعفت المواطنين من الفواتير لمدة ما بين شهر لستة شهور.. حسوا بينا احنا هنلاقيها من الكمامات ولا المعقمات ولا جشع التجار .. #مش_دافع يا حكومة.".
ودعا "المصري": "قالوا للنظام ايه فرعنك، قال ملقيتش شعب يلمني.. لو كنا شعب حيّ مكناش سكتنا على إذلالنا وسرقتنا بهذه الطريقة المهينة..اعملوا خطوة ايجابية
ومتدفعوش فواتير الكهربة والمية والغاز مثلما فعلت باقي الدول مع شعوبها.. خلص الكلام #مش_دافع".
وغرد أبو رأفت: "#مش_دافع.. يا ريت نوصل لأكبر عدد.. في غلابة كتير هتستفاد من الموضوع ده.. ياريت الحكومة تطبق القرار ده فالحين يدونا إجازات وحظر لكن مش عارفين يلاقوا حل للغلابة انتا معاك تدفع غيرك مش معاه ياكل. #مش_دافع".
وقالت نوجا عمر: "لما الناس تلاقى تاكل تبقى تطلب منها تدفع لك فلوس ارحمونا بقا
وانا بقولك اهو #مش_دافع". وشارك هنداوي أبو علم: "هو انا اقعد في البيت ومرتبي يقف والاكل يغلي وكمان ادفع فواتير للدوله يارب يطفحها. #مش_دافع يعني #مش_دافع"،
وتساءل إسلام أبو سيف: "ياريت والله اهو اي حاجه نحس بيها ان دي بلدنا وبتقف جنب ولادها! مش مصر هي امي برده وواجب تقف مع ولادها في البلوة دي والا كله سحب سحب مفيش ايداع خالص. #مش_دافع".
كما كتبت سما: "كل واحد ليه طلب أو عليه التزامات من حقك تطلب إللى إنتا عايزه من الـ١٠٠ مليار جنيه إللى الحكومة رصدتها وتعرفنا أوجه الإنفاق الضروريه وأى تويته تحتها.. الهاشتاج بيتكلم عن معاناة الناس وهما محتاجين إيه لمصلحتك رتوتها. #مش_دافع".
وأكد عمرو زيدان: "والله ما هدفع.. والله ما هدفع.. ولو حتى جاتنى كرونا بذات نفسها مش هدفع. #مش_دافع". أما سارة فعللت: "مافيش فلوس اصلا #مش_دافع".
Twitter Post
|
Twitter Post
|
Twitter Post
|
Twitter Post
|
Twitter Post
|
Twitter Post
|
Twitter Post
|
Twitter Post
|
Twitter Post
|
Twitter Post
|
