#السيسي يحشد أنصاره بالوجبات والزي الموحد لمواجهة #جمعة_الغضب
#السيسي يحشد أنصاره بالوجبات والزي الموحد لمواجهة #جمعة_الغضب
التظاهر حق ممنوع في مصر إلا للمؤيدين (فرانس برس)
"وجبات.. زي موحد.. قصة شعر موحدة"، هكذا سخر مغردون مصريون من "احتفالية" تأييد الرئيس عبد الفتاح السيسي أمام "المنصة" في طريق النصر، شرق القاهرة، إذ انتشرت على مواقع التواصل الاجتماعي صور الوجبات المغلفة التي توزع على الحاضرين. كذلك انتشرت صور لعدد كبير من الشباب بالاحتفالية في أعمار متقاربة بزي موحد وقصة شعر موحدة، لمجندين أو طلاب كليات عسكرية، تم جلبهم لتضخيم أعداد مؤيدي السيسي أمام الكاميرات.
وسخر مجدي كامل: "نادية فلتقوس من المنصة خدت 3 وجبات ومشروب زيادة بس أوعوا تقولوا لمحمود السيسي لأحسن يعلقنا من فخادنا. #جمعة_الخلاص".
وكتب حسين: "انت اللي غلطت أولا. كان ممكن تتكلم باحترام. وأمامك باحترام. على فكرة. الثورة في بدايتها. اذا كان جبتم الشغيلة. والمجندين. مع وجبات الأكل. وعمال المصانع أيضاً. هذا لن ينفع السيسي. لما ناس تنزل براحتها. دون اعتقال. هتشاهد الملايين المعارضين. وليس بضعة آلاف من المخبرين يهتفون".
ومع صور الوجبات أشارت رورو: "يا جماعة واضح جدا أن نبيل الحلفاوي وفيفي عبدو وغيرهم من الفنانين من أسبوع خدو خمس ست وجبات من دي عشان يدافعو ويحامو عن السيسي. #ارحل_يا_سيسي #جمعة_الخلاص".
ونقلت إسراء متولي: "عربيات الجيش اللي عند المنصه بتوزع وجبات على مؤيدي السيسي. #جمعة_الخلاص".
ونشر حساب "إنسان عربي" صورة الاحتفالية قائلاً: "هما دول كل مؤيدين السيسي في كل الجمهورية! يعني أتوبيسات ووجبات وفلوس وإعلام بيحشد بقاله أسبوع وبعد كل ده الحشد يبقى بالحجم ده! هو ده تمامك يا سيسي.. الخلاصة أن الشعب مبقاش معاك يا بلحة. اتنيل ارحل بقى. #جمعة_الخلاص".
وتساءلت شيماء: "حد فاهم أو عارف مين دول وليه لابسين زي موحد! يعني أكيد مش هيحول مجموعة في الجيش المصري لمليشيا زي موسوليني.. بعيدا عن التحليلات.. مين دول؟".
وغردت منى أحمد: "#جمعة_الخلاص.. قافل كل الميادين وفاتح المنصة لمأجوريه يقوم ربنا يخزيه والعدد يفضحه أنه ملوش مؤيدين فيقوم ينزل جيش بلدنا غصب وافترا بزي مدني عشان ياخد اللقطة فغباءه يتسلط عليه ويحشدهم بزي موحد وحلقة تفضح أن العدد كله الجيش.. لم الجيش فالمنصة يتصور بيه بالأمر وسايب الحدود".
وتوجه هيثم صلاح بالسؤال للأذرع الإعلامية: "مسألتش نفسك يا جحش مين اللي على شمال الصورة اللي لابسين زي موحد قبل ما تنزل الفيديو".
وطالب محمد عبد الباقي: "مش بس حشدوا موظفين الدولة بالأمر.. دول كمان بيستعينوا برجال أمن وطلبة الكليات العسكرية..!!!!!
ممكن يا معلقة تقول للشعب المصري والعالم كله الزي اللي لبسينه المؤيدين بتوعك دول لابسين كلهم زي موحد ازاي وليه؟! عيب".
وقال نور عبد الله: "وجاب المجندين الجدد بزي موحد.. عار وفضيحة لكن برضه من العار وقلة العقل أن حد يتصور أنه هيشيل طاغية زي ده في يوم وليلة.. هي ابتدت ومش هتنتهي إلا برحيله لكن الصبر والعمل".
