#انقذوا_احمد_مجدي: المغردون يبحثون عن غريق مصري والسلطات غائبة

#انقذوا_احمد_مجدي: المغردون يبحثون عن غريق مصري والسلطات غائبة

13 سبتمبر 2019
صورة تداولها مصريون للشاب (تويتر)
+ الخط -
دشن مغردون مصريون وسم "#انقذوا_احمد_مجدي"، للبحث عن طالب الطب أحمد مجدي الذي كان يسبح في محافظة دمياط المصرية، قبل أن يغيبه البحر منذ يوم الأربعاء.

الوسم احتل قائمة الأكثر تداولاً على موقع "تويتر"، قبل تراجع ترتيبه، وسط غياب تام للمسؤولين في المحافظة، وهو ما زاد من حالة الغضب، خاصة مع عدم معرفة مصيره حتى اللحظة.

كتب عاطف صادق: "يا شباب والله العظيم كل ساعة بنزيد عن الأول، وعددنا دلوقتي حوالي 150 واحد، وبنتبهدل أقسم بالله يا جدعان أي حد من المسؤولين يتحرك، أحمد غرقان في المياه بقالو 37 ساعة، حرام مافيش حد مستحمل، أمه قلبها بيتحرق، أهله متدمرين، الله يكون في عونهم، حرام حد يتحرك يا ناس... #انقذوا_احمد_مجدي".

وعن آخر تطورات الموقف، كتب أمير حمدينو: "الحمد لله قدرنا نوصل، والناس نزلت المياه وبدءوا البحث، بس زي ما انتم شايفين العدد قليل، ومحتاجين ناس عليهم، أي حد بيعوم كويس يا جماعة #انقذوا_احمد_مجدي دعواتكم معانا".

وشاركه محمد سلطح النداء: "الغطاسين طالبين عدد من المتطوعين بيعرف يعوم عوم عادي، حتى عشان يقدروا يغطوا البحر كله، انشروها عشان يجي أقرب ناس من دمياط الجديدة في أسرع وقت".

وخاطبت مريم مشالي عددا من مشاهير الممثلين مثل أحمد السقا ومحمد هنيدي على حساباتهم الرسمية كي يكونوا عنصر ضغط لتحرك المسؤولين.

وتساءل حساب "الخيال": "تفتكر دا لو كان إبن حد من الحكومة أو الجيش، كان دا هيكون الوضع 30 ساعة ف المية ومافيش حد يطلع جثته عشان يدفن؟ بلد فعلا اللي ماسكها ناس زبالة ومفيش فيهم خير، ربنا يرجعك لأهلك يبني ويصبر أمك ع فراقك #انقذوا_احمد_مجدي".

وكتب لوكا علي: "هو فين الإعلام، فين الوزراء؟ فين الرئيس؟ يووه نسيت أصل في مؤتمر شباب يابني، طيب ماهو اللي غرقان ده شاب بردو، هو شاب من اللي بيحضرو المؤتمرات؟ طيب ابن مسؤول مهم؟ طيب مش مصري ومعاه باسبور؟ لا يبقا مش شاب اسكت إيش عرفك إنت، حسبي الله ونعم الوكيل #انقذوا_احمد_مجدي".

وأجاب حساب "حورية وطن": "#انقذوا_احمد_مجدي الناس اللي بتلوم على المسؤولين؟؟؟ هي مصر فيها مسؤولين؟؟ دول شوية حرامية".

دلالات

المساهمون