سخرية من شطب صيدليات "العزبي" و"رشدي" بمصر: "سبوبة السيسي"
سخرية من شطب صيدليات "العزبي" و"رشدي" لصالح "19011" بمصر: "سبوبة السيسي"
شكوك بـ"سبوبة" جديدة للعسكر بتجارة الأدوية (فرانس برس)
تفاعل رواد مواقع التواصل الاجتماعي في مصر مع قرار وزارة الصحة شطب مالك مجموعتي صيدليات "العزبي" و"رشدي" من سجلات الصيادلة بوزارة الصحة والسكان نهائياً، استناداً إلى حكم محكمة استئناف القاهرة.
وطرح قرار شطب أحمد العزبي وحاتم رشدي، والتفاعل معه تساؤلات عن وجود سلاسل أخرى لم يتم إيقافها، مثل مجموعة صيدليات "19011" التي انتشرت في القاهرة، وتوقع ناشطون وجود "سبوبة" جديدة للعسكر في تجارة الأدوية، وسخروا قائلين "انتظروا خير صيادلة الأرض".
وكتب دكتور خفاجي: "الانتشار المفاجئ لصيدليات 19011 وإن عيد ميلاد السيسي 19-11 وعدم نفي شائعة إنها صيدليات مملوكة لجهة سيادية حاجة بائسة وحزينة بجد.. وفي نفس الوقت يتم إلغاء تراخيص صيدليات العزبي ورشدي .. حاجة أكثر بؤساً وحزناً". ليرد عليه "أبو صلاح" ساخراً "أي بزنس لازم يدخلوه وغالباً هيغيروا شعار الصيدلة بعد كده يشيلوا الكاس والتعبان ويحطوا نخلة وعليها بلح وسط الهلال".
وغردت ريحانة أحمد "مجموعة صيدليات العزبي ورشدي من أشهر سلسلة صيدليات وأقدمها بمصر، فجأة بيوم وليلة طلع لهم قرار شطب وغلق لهم وطبعاً البديل خير صيادلة الأرض".
وحلل محمد الأمر "هي في الأول والآخر مصالح .. أنا كصيدلي شايف إن العزبي ده بتاعهم وكان مع أي حاجة ضد الصيادلة طالما هيرضي النظام لكن دلوقتي يبدو أن الحرامية اختلفوا فحبوا يشدوا ودنه... لكن هو صادر ضده قرار شطب من سنين وماتنفذش... بس ممكن السبوبة دلوقتي تكون محتاجة إزاحة العزبي ورشدي".
وذكر آخر "دورت على موضوع مالك سلسلة صيدليات 19011 مبهم مفيش خبر ولا ظهور لأصحابها لكن علامات استفهام كتير أوووي زي افتتاح 70 فرع في 3 شهور رقم كبيرررر الحد الأدنى لراتب الصيدلي بدون خبره 3000 جنيه.. يا تري إيه الحكاية وحالياً إغلاق العزبي ورشدي وكان في خبر عن شراء رشدي من قبل 19011؟".
ورد عليه محمد أبو بكر "فيه خبر بيقول أنها تابعة لصيدليات النهدي السعودية.. وشريك مصري اسمه المخابر... أكمل أنت". ونقل تامر عن العزبي "أحمد العزبي صاحب صيدليات العزبي: غلق الصيدليات السبب فيه مجموعة من الإخوان في النقابة لاختلافي معهم سياسياً... حاول تاني يا أحمد معلش".
وتوقع صاحب حساب "عسل أسود": "شطب العزبي ورشدي من سجلات الصيادلة نهائياً أكيد خوفاً على صحة المواطن من الأدوية المغشوشة والقوات المسلحة هتقوم بالسبوبة.. أقصد الواجب الوطني دا وتوفر لنا الأفضل".
وقال أحمد سليم "شركة إدارة الصيدليات 19011 موجود و هتقوم بالواجب بس الغريب إن نقابة الصيادلة نفسها مش عارفة مين أصحاب الشركة دي". وسخر صاحب حساب "جمهورية عليه العوض": "إيه الأخبار عملتوا إيه فصيدليات العزبي؟ قفلناها يا أفندم... طيب انزل بقى بخير صيدليات الأرض".
