بعد فوزه بكأس العالم....مكافآت منتخب مصر لليد تثير السخرية

وحلّت السخرية من مكافأة الدولة مكان الاحتفال بالفوز، مقارنين بينها وبين مكافآت الرئيس عبد الفتاح السيسي لمنتخب كرة القدم عند صعوده لكأس العالم السابق، في روسيا، والتي وصلت لمليون ونصف المليون جنيه لكلّ لاعب.





وتساءلت فادودة "‏أنا فاكرة ان السيسي صرف مليون ونص لكل لاعب كرة قدم بسبب تأهلهم لكأس العالم وراحوا واتفضحنا.. ليه مصدرش منه بيان بأي مكافأة للأبطال اللي شرفت بلدها وحققت الذهبية. #كره_اليد".

وكتب أحمد عسكر "‏أول منتخب غير أوروبي يتوج بكأس العالم للناشئين تحت 19سنة.. ليه بقا السيسي ميعملش مكافأة استثنائية زي اللي خدها منتخب كرة القدم لمجرد أنهم وصلوا كأس العالم وفضحونا وخلوا منظرنا زبالة وحصلوا ع المركز ال31 من بطولة فيها 32 فريق.. م الآخر فرق منتخبات اليد هم أبطال مصر فقط لا غير".

وغردت لبنى "‏رئيس الاتحاد المصري لكرة اليد طالع مع عمرو أديب بيقول مكافأة كل لاعب 1500 جنيه! علشان مفيش إمكانيات في الاتحاد وحاجة قمة الحزن، والله البلد بتدفع ملايين لشوية لعيبة كورة فاشلة ومش قادرة تدفع مبلغ محترم لأبطال العالم!".

وقال فراس "‏1500 جنيه مكافأة لكل لاعب في منتخب اليد بعد التتويج بكأس العالم. يعني يعملوا إيه عشان تكون المكافأة محترمة؟ يجيبوا كاس المجرة مثلا؟ 1500 دول بيصرفهم عمر وردة في باقة موبايلو يقعد يتحرش بيها طول الليل.. لما الناس تاخذ جنسيات ثانية وتروح دول ثانية ماحدش يقول لا وليه والكلام الفاضي".

وتوقع محمد الأشوح "‏‎يا سيدي دي ميزانية اتحاد أكيد الدولة حتتدخل وحتاخدهم ضرايب لا تقلق". وسخر محمود خليل من قروض السيسي "‏‎السيسي يوقع قرض بـ100 مليون يورو من بنك الاستثمار "الأوروبي" لمنح جوائز للاعبي منتخب مصر المتوج بكأس العالم لكرة اليد تحت 19 سنة".

وطالب آخر "‏افرحوا يا شباب ١٥٠٠ جنيه مكافأه لكل لاعب للفوز بكأس العالم .. لا تستغرب أنت في مصر". وأكد مغرد آخر "‏والله حاجة تكسف فريق يفوز بكأس العالم يطلع يقول رئيس اتحاد كرة اليد: 1500 جنيه مكافأة التتويج بالمونديال.. وهذه إمكانياتنا .. قمة العار".

Twitter Post

Twitter Post

Twitter Post

Twitter Post

Twitter Post

Twitter Post

Twitter Post

Twitter Post

Twitter Post

Twitter Post