من #منتخب_المتحرشين إلى #غير_مقبول... لاعبو مصر يثيرون السخرية والغضب

وكتب عمو حازم "لعيبة المنتخب عاملين إعلان اعتذار تبع بيبسي، في أحقر وأحط وأنجس حركة اتعملت، في أحط وأحقر فترة في التاريخ.. بجد اللي يقابل الإعلان ده يحاول يعدّيه".

وعلّق إيهاب العتيبي: "إعلان #ببسي الخاص بـ"اعتذار المنتخب المصري"، هو أسخف وأسوأ إعلان رياضي رأيته في حياتي، صاحب الفكرة وكل من وافق عليها، سواء من ببسي أو المنتخب قاموا بارتكاب حماقة غير مسبوقة! الجيل الذي كسر لعنة التأهل لكأس العالم يقوم بتدمير رصيده!".

وكتب أحمد نبيل: "آسفين دي طلعت بعد الضغط اللي شوفتوه.. آسفين دي كانت تتقال للجمهور في الملعب بعد الماتش #غير_مقبول #الأمم_الأفريقية".

وشارك ياسر صقر: "الجيل الفاشل، وأغبى إعلان ممكن تشوفه، وصاحب فكرة الإعلان هربانة منه، إعلان يحسّرنا على الجيل الذهبي، جيل الماجيكو محمد أبو تريكه.. فرق السما م الأرض".

وهاجم عماد أسامة: "إعلان مشوفتهوش في أي حتة لأي فريق في العالم، لاعيبة ماتستحقش تلبس تيشيرت منتخب مصر مرة تانية، الفلوس أهم من اسم وسمعة البلد".

وتساءل كابتن أحمد: "إعلان اعتذار لاعبي المنتخب شيء وضيع، في عز قهرتنا بيعملوا إعلان، بس ياترى قبضتم كام في الإعلان ده عشان تقولوا بنعتذر؟ وهل من المفروض لما نشوف الإعلان نركع تحت رجليكم ونقبل اعتذاركم؟ بالعكس، الإعلان ده أثبت إنكم لعيبة رخيصة قوي، وما تستاهلوش، حزين من وجود طارق حامد معاهم، كان نفسي أشتمهم".

بينما ذهب عدد من المغردين إلى أن الإعلان تم تصويره قبل بدء البطولة، كما كتبت دنيا جمال: "لعيبة المنتخب مصورين ڤيديو اعتذار عن الخسارة قبل ما البطولة تبدأ، أنا عمري في حياتي ما شفت انعدام طموح وناس ضامنة ومتأكدة إن مستواهم تحت الأرض زي العيال دي!!".

وكذلك كتب إسلام مجدي: "زي ما في قناعة تامة إن الإعلانات جزء مهم حاليا في الكرة، في كمان عقاب لكل اللي يشارك في إعلان مستفز زي ده، خصوصا لو متجهز من قبلها، وكابتن المنتخب لازم يبقى عبرة، عشان يتعلم اللي هايلبس الشارة بعده، ومتكونش ديكور بس لأقدم لاعب، جيل عجيب".