مصريون ساخرون من تصريحات وزير التعليم حول "الدين والسيستم"
مصريون ساخرون من تصريحات وزير التعليم حول "الدين والسيستم": "احنا فقرا قوي"
طارق شوقي (تويتر)
وقع وزير التعليم المصري طارق شوقي في مرمى نيران رواد مواقع التواصل الاجتماعي، بسبب تصريحاته التي أدلى بها أمام لجنة الخطة والموازنة بالبرلمان، واشتكى فيها من ضعف تمويل الوزارة، معتبراً أنها السبب في مشكلة امتحانات التابلت، مضيفاً "كان سببه قطع الإنترنت لعدم وجود أموال للدفع مقابل الخدمة".
ووجه شوقي تهديده لوزارة المالية: "لو ما أخدناش اللي عاوزينه الوزارة هتقفل والديّانة واقفة على دماغنا"، ليسخر مغردون مذكرين الوزير بتصريحاته السابقة "يعني ما كانتش مؤامرة لاختراق التابلت".
وحاول الوزير إيقاف الهجوم عليه بمنشور له على صفحته الرسمية على موقع "فيسبوك"، لكن المحاولة لم تفلح واستمر التغريد ضده.
| Facebook Post |
وكتب جابر: "وزير التعليم/ الوزارة هتقفل ومضيت شيكات والديانة فوق دماغنا، نفس الوزير المتفاجئ من ميزانية 2019/ 2020 ده إتبرع ب 200 مليون لصندوق تحيا مصر من ميزانية 2018/ 2019 وصرف 2 مليار من موازنة الأبنية التعليمية على التابلت والشبكات".
وسخر عبد الفتاح خلف: "بصراحة معرفش بس لو الوزارة معملتش اللي هو عاوز هيقفل وساعتها خلي العيال تقعد في البيت ومتروحش مدارس علشان وزير التعليم مقموص ووو وزحلان". وتوقع "ماير": "سياسة السبوبة سياسة العسكر من زمان بس الأخطر أن تدار بها عملية التعليم وأنا شايف انها لو ضاقت على طارق شوقي هياخد كام مليون من ميزانية الجيش السرية ويقول الرئيس السيسي راعي التعليم في مصر".
وكتب محمد عبد الغني: "تصريح طارق شوقي وزير التعليم النهاردة بخصوص الدين والسيستم والكلام الفارغ دا كفيل يقيله لو في دولة محترمة.. لكن فخامة رئيس الجمهورية قال اننا فقرا أوي وشبه دولة".
وغرد صاحب حساب "سفينتي بانتظاري": "مصراوي| طارق شوقي عن وقوع السيستم: مفيش فلوس ومضيت شيكات والديّانة فوق دماغنا.. ده ناقص تحجزوا على العيال وأهاليهم.. ارحمونا من التصريحات دي بقى".
Twitter Post
|
وسخر محمد زايد: "خد هوت سبوت من العيال يا طارق، احنا مش مستغنيين عنك يا ضنايا.. هتضيع مستقبلك علشان كارت شحن؟! مش فاهم الناس اللي بتحلل سياسة واقتصاد في عنبر الخطرين ده ضميرهم بيسمح لهم بكده ازاي؟!".
وطمأن أحمد الوزير: "وزير التعليم: سبب وقوع السيستم إننا مدفعناش الإنترنت عشان مفيش فلوس.. يا عم الوزير ماتزعلش نفسك هشحنلك كارت ب 10". وتساءل محمد زاخرة: "يا ترى بتمهد لإيه يا عم طارق شوقي!! ربنا يستر".
