السيسي يتحدث عن حلمه... ومصريون يردون: "حلمنا إنك تمشي"

افتتح الرئيس المصري، عبد الفتاح السيسي، عدداً من المشروعات في محافظة دمياط، ومنها "مدينة دمياط للأثاث"، وعدداً من الوحدات الإسكانية، وفندق "اللسان" في مدينة رأس البر.

وكعادة اللجان الإلكترونية التي نشطت للتهليل والتبشير بما يُنجز في مصر، كان على الطرف الآخر من يكذّب ادعاءات السيسي، ويشير إلى زيف المشهد بأكمله.

كتب عبد الحليم: "اضحك مع السيسي: الدولة بتبذل مجهودا كبيرا لتعريف الشعب بالإنجازات! طبعا ده من ضخامتها".

وكذّبه عطية الزرقاوي: "أنا من مدينة عزبة البرج قصاد رأس البر، وأنا دخلت الفندق ده قبل ما يتجدد وهو ع المحار، بس حاجة في منتهى الجمال، بس فين الشغل بقى؟ أنا بقالي كتير بدور على شغل ومش لاقي حاجة، الفيلسوف بيقول بطلتوا تحلموا #دمياط".

وعن تصريح آخر كتبت مي عزام: "السيسي اليوم في افتتاح عدد من المشروعات: "إيه ده هي الناس بطلت تحلم... المصريين بطلوا يحلموا ولا إيه... احلم واجري ورا حلمك" الحالمون بمصر الجديدة مصر العدل والمساواة وحكم القانون في السجن يا ريس".

وكذّب هشام محمود المشهد بأكمله، فكتب: "السيسي راح يفتتح في دمياط 20 ورشة، وضّبوهم على السريع عشان اللقطة، وطبعا الجنرالات مشاركين فيهم، وكام عمارة إسكان متوسط عليهم صوره وبوستراته، والشقة بـ400 ألف جنيه بس، وفندق ألماني سبع نجوم في رأس البر عشان الباشوات يقضوا فيه وقت حقيقي لذيذ، افرحي يا انشراح".

واستعادت "بنت مصر الحرة" مشهدا سابقا وكتبت: "السيسي: إيه يا بتوع دمياط (هو انتوا بطلتوا تحلموا بتحقيق أحلامكوا ولا إيه؟) أهل #دمياط بيحلموا بأنك تغوور يا #السيسى، لأنك خربت بيوتهم دول أول ناس وقّعوا صورتك في المظاهرة الأخيرة وداسوا عليها بالجزمة".

وسخر مصطفى أفندي من تصريح آخر: "السيسي بيقول إن اللي بتشوفوه في مصر دلوقتي، ده حلم حلمته وأنا صغير، ده جاي يحقق أحلامه علينا، يا عم ليه هو احنا كفرة".

وحذّر السيسي من أن الخطر على مصر يأتي من الداخل فكتب محمد علي: "مقولة عبد الفتاح السيسي: لا يوجد خطر على مصر إلا من داخل مصر، إن دلت على شيء فإنما تدل على ما يدور داخله مما هو قادم، إنت بتلعب في ١٠٠ متر الأخيرة.. لكن الهدف مش إنت لوحدك يا سيسي.. الهدف المنظومة الفاشية بأكملها.. وده أول درس اتعلمناه من ثورة يناير".

وشارك "شارلوك هولمز": "السيسي: الدولة تتدخل في موضوعات لم يسبق لأحد خوضها منذ 100 عام، أكيد ماحدش فَقَر مصر، وضيّع نيلها، وباع تيران وصنافير، وباع مصر كلها للإمارات، حتى أفجر حكامها ماعملش كدا #السيسى".

وتحدث السيسي عن قيام مصر بتصدير الكهرباء للعالم فكتبت ديانا إسماعيل: "يا عم رجع دعم الكهرباء اللي رفعتوا عن الشعب الأول، بعد كدا ابقى شوف تصدير الكهرباء للعالم دا #السيسى #دمياط".

فيما ذهب حساب باسم "أنا البحر" لاتجاه آخر: "هاشتاج شعبان متقدم على دمياط، الناس ماعندهاش أي أمل في اللي بيعمله بلحة أصلا".​