#عمرو_أديب_كذاب... الإفراج عن أردنيين وسوداني يفضحه

شن مغردون مصريون هجوماً لاذعاً على المذيع المقرب من الأجهزة الأمنية، عمرو أديب، بعد إفراج السلطات المصرية عن الشابين الأردنيين، ثائر حسام مطر وعبد الرحمن علي حسين، والسوداني وليد عبد الرحمن حسن، بعدما أذاع أديب في برنامجه "الحكاية" على فضائية "إم بي سي مصر"، "اعترافاتهم" بالمشاركة في التظاهر والتآمر ضد مصر.

وطالب ناشطون بإيقاف أديب عن العمل، بعد كشف تضليله للمشاهدين. ودشنوا وسم "#عمرو_أديب_كذاب" كمنصة للهجوم عليه وعلى الأذرع الإعلامية التابعة للأمن والمضللة.

وشارك المذيع الساخر باسم يوسف لأول مرة منذ فترة في الشأن المصري كاتباً "عزيزي عمرو أديب؛ هل حتعتذر عن عرض فيديوهات الاعتراف بتاعة الشابين الأردنيين اللي اتقبض عليهم وسجلوا اعترافات (خطيرة) بالتخطيط لعمليات إرهابية؟ وأعتقد كمان كان فيه شاب سوداني. النهاردة رجعوا بلدهم عادي جدا. مع العلم أنهم كانوا جايين مصر أم الدنيا عشان يتعلموا سينما وإعلام من بتاعك ده. طب مشيوا ازاي؟ ما أصل لو مخربين وإرهابين يبقوا سابوهم ازاي؟ ولو أبرياء يبقى ازاي اعترفوا عادي كده؟ وتفضلوا بقبول فائض الاحتقار".

وسخر هشام: "‏تم الإفراج عن الطلبة الأردنيين اللى جابهم عمرو أديب واتهمهم بأنهم اعترفوا بأنهم بينظموا مظاهرات ضد مصر والآن تم الإفراج عن الطالب السوداني بعد مظاهرات في السودان... حد يبلغ لميس الحديدي تقول لعمرو أديب الله عليك يا مورا".

وكتب سعيد كامل: "‏اللي يجيب فيديوهات لشباب معترفين بالتخريب وياخدو براءة يعمل سبق إعلامي ويجيب شبح يقول إن صيدليات 19012 بتاعته. #عمرو_أديب_كذاب".

وتساءل عمر سعيد: "‏السيد عمرو أديب عمل سبق صحافي استحق عليه لقب (مورة) أطلقته عليه السيدة حرمه لميس، وعرض فيديو عن خلية أجنبية جت مصر عشان تخرب الأمن القومي، ومن بين الخلية شابان أردنيان وشاب سوداني، التلاتة أفرج عنهم النهاردة وفي طريقهم لبلادهم. احنا عايزين نفهم معلش. هل عمرو أديب كداب ومضلل ومدلس؟".

وغرد عز الدين محمد: "‏عمرو أديب يأخذ 3 ملايين دولار... هو عارف إنه لازم ينافق ويكذب ويقول باطل ويبوس رجل سيده... هو ميسواش 3 تعريفة في سوق الإعلاميين".

وأشار محمد برغس: "‏‎#باسم_يوسف مسح في كرامة ‎#عمرو_أديب أراضي ‎#الوطن_العربى وفعلا أفضل رد عن قضية ‎#اعتقالات_سبتمبر وحكم ‎#العسكر اللي راح ضحيتها شباب من ‎#الأردن عاشت ‎#مصر عاش الشعب ‎#المصري ويسقط ‎#السيسي_كذاب ويسقط ‎#الإعلام_المصري_عار".

وخاطبت سهيلة أديب متسائلة: "‏هل يا أستاذ ‎@Amradib من المهنية إنك تطلع شباب (مش مصرين) وتجبروهم على اعتراف بحاجات كذب زي ما طلعت فيديو لشاب مصري ادعيت فيه أنه بيقبض فلوس وطلع كدب والشاب فضحك... كنت فاكر الشباب دي حكومتهم هتسكت.. ليه فاكرهم مصريين للأسف يعني ملهومش ضهر... مترجعش تعيط زي يناير تاني يا كداب. #عمرو_أديب_كذاب".

وطالبت شيري: "‏‎نشطوا الهاشتاج ده #عمرو_أديب_كذاب خلونا نقعده في البيت".