الكنيسة تحشد لاستقبال السيسي بأميركا: "هانجيب لكم ساندويتشات وعصير"

أوفد بابا الكنيسة الأرثوذكسية في مصر، تواضروس الثاني، أسقف أسيوط والبداري، الأنبا يؤانس، إلى الولايات المتحدة على نفقة الكنيسة، لحث المصريين المسيحيين في ولايتي نيوجيرسي ونيويورك الأميركيتين على استقبال الرئيس عبد الفتاح السيسي في مدينة نيويورك، حيث يلقي كلمته أمام اجتماع الجمعية العامة للأمم المتحدة يوم الثلاثاء المقبل.

وقال يؤانس في عظة بإحدى كنائس نيويورك: "اللي بيحب أهله في مصر يستقبل معنا الرئيس عبد الفتاح السيسي... وقد جئت متحدثاً باسم البابا تواضروس الثاني، بابا الإسكندرية، وليس تطوعاً من جهتي... والبابا تواضروس أكد أكثر من مرة، خلال زيارته للولايات المتحدة، على ضرورة استقبال الرئيس السيسي... ومن يحب أهله في مصر فليشارك معنا".

وأضاف يؤانس: "عاوزين نقول للعالم كله إن حال الأقباط في مصر اليوم اختلف، وأصبح أفضل... فخروجكم للترحيب بالسيسي له مردود عندنا إحنا في مصر... فنحن نعيش أزهى عصورنا، ولدينا 2 محافظين مسيحيين، و7 رؤساء مدن"، بحد قوله، متابعاً: "الكنيسة خصصت أتوبيسات مجانية من أمام الكنائس، وسوف تحملكم للذهاب للمطار، والأمم المتحدة، للترحيب بالرئيس السيسي".

وفي مقطع مصور آخر تداوله نشطاء مسيحيون على موقع التواصل الاجتماعي "فيسبوك"، قال يؤانس من داخل كنيسة الشهيد مار جرجس بولاية نيو جيرسي: "علشان خاطر ربنا، وعلشان خاطر الكنيسة، وعلشان خاطر أهلكم، تطلعوا تستقبلوا الرئيس السيسي... إحنا هانطلع نستقبل الرئيس 3 مرات، أيام الجمعة والأحد والثلاثاء".

وأضاف يؤانس: "بكرة شغل، وهانوفر الأتوبيسات ببلاش الساعة الثالثة والنصف... وتروحوا حتى تغيروا جو، وتشوفوا نيويورك بدل نيوجيرسي... وهانجيب لكم ساندويتشات وعصير وحاجة ساقعة... المهم يا حبايب تروحوا بكرة، وتقولوا حمد لله على السلامة، و(Bye Bye)... ويوم الأحد نفس الحكاية".

وزاد بالقول: "إحنا هانتقابل يوم الأحد في الاجتماع العام في الكنيسة... ويوم السبت نصلي المذبحة مع بعض... وإحنا عاوزين أتوبيسين بكرة بس كفاية... أتوبيسين مع شوية لافتات كده، وربنا يبارك فيهم... ولما يتصور الأتوبيسين هايظهروا كأنهم 10 أتوبيسات".

وأثار مقطع الفيديو ردود فعل غاضبة بين أوساط الناشطين المسيحيين، إذ علق صادق مجدي قائلاً: "الله يكسفك يا سيدنا، بجد أنا متضايق منك"، وقال جورج غالي: "ضاعت هيبة ووظيفة الكنيسة على إيدك بعد هذا الكلام... ده إجبار من الكنيسة والأساقفة والكهنة، واللي مفروض إنهم يخافوا على الشعب"، وقالت لي لي سليفيا: "هو دلوقتي الكهنة بقوا بيشتغلوا بالسياسة... والله حاجة تحزن!".

وقالت نوال ثابت: "تطبيل بايخ، ليه نمثل... ما اللي عايز يروح ومقتنع هو حر... ليه التأثير على الناس بالشكل ده، وعلشان إيه... ملعون من أتكل على ذراع بشر، بجد جالي غثيان"، وقال مارك عصام: "الحمد لله إن عمري ما صدقت حد من الأشكال دي، ولا بوست يد أحد منهم".

وقال سامح شكري: "والله غلبنا نقول إن الكنيسة للعبادة فقط... إيه دخل الكنيسة بالسياسة، وإيه دخل الأساقفة بالسياسة؟"، وقالت مريم نبيل "يا سيدنا ملعون من أتكل على ذراع بشر... والمصاريف دي أولى بيها الفقراء في مصر"، وقال كيرلوس مايكل: "يا جماعة ماحدش يسمع كلامه، وده مش حرام على فكرة... هو مالوش إنه يقول كده أصلا، ولا البابا نفسه!".