تواضروس يطبل للسيسي: النخلة بتقعد 20 سنة عشان بلحة
تواضروس يطبل للسيسي: النخلة بتقعد 20 سنة عشان بلحة
يسخر المصريون من السيسي باسم بلحة (شان غالوب/Getty)
انتشر على مواقع التواصل الاجتماعي فيديو للأنبا تواضروس الثاني، بابا الإسكندرية بطريرك الكرازة المرقسية، يروج فيه للرئيس المصري، عبد الفتاح السيسي، ويدعو للصبر عليه: "فيه حاجات بتحصل ومشاريع ضخمة بس لازم نصبر، ده اللي بيزرع نواية بيستنى 20 سنة لما تبقى نخلة وتطرح بلحة".
وسخر رواد مواقع التواصل الاجتماعي من تطبيل تواضروس للسيسي خلال جولته بالولايات المتحدة الأميركية، معتبرين أن اختياره للنخلة والبلحة كمثال في حديثه جاء في موضعه، إذ يستخدم معارضو السيسي اسم "بلحة" للسخرية منه، وسخروا "البابا تواضروس حب يطبل للسيسي جت بالعكس".
وغردت حليمة: "البابا تواضروس حب يطبل الطبلة خرمت ودنه.. قالك إيه؟ النخلة بتقعد عشرين سنة علشان تطرح بلحة! بس دا مش تدخل الدين في الزبادي.. قصدي السياسة.
#مصر_في_عهد_السيسي #طفح_الكيل_ياعسكر".
وتساءلت الناشطة عزة مطر: "هو صحيح البابا تواضروس قال ان النخلة بتاخد 20 سنة عشان تطلع بلحة؟ شكلك فاهم يا أبونا". في حين رأى محمد المصري: "قصده بلحة قاعد على قلبنا 20 سنة".
وسخر صاحب حساب "جي إس": "بالنسبة لتصريح البابا تواضروس ان اللي بيزرع نخلة بيقعد 20 سنة علي ما النخلة تطلع بلحة! ماحنا ممكن نزرع طماطم وبعد شهرين تطرح طمطماية.. نزرع بطاطس وبعد 60 يوم نحصد بطاطساية.. نزرع بصل وبعد كام شهر نلاقي بصلاية.. نزرع مانجة وبعد 3 سنين تطرح مانجاية".
وكتبت ملك: "تواضروس انت بتزرع نواية وتصبر ٢٠ سنة عشان تأكل بلحة .. دخلنا في الأعراض".
واستنتج علي المصري: "تواضروس: لازم نصبر على الرئيس، ده اللي بيحط بذرة نخلة عشان ياكل من النخلة بيقعد 20 سنة عشان النخلة تطلع #بلحة. #تواضروس_اخوان".
وتهكم أحمد مصطفى: "هتوحشنا قوي يا بابا تواضروس. 20 سنة عشان خاطر بلحة".
وغرد أحمد حسني: "البابا تواضروس خبط في الحلل وبيقول النخلة بتقعد 20 سنة عشان تجيب بلحة".
