مصريون يسخرون من الاحتفال بذكرى حفر التفريعة: هابي فنكوش

أثارت كلمة رئيس هيئة قناة السويس المصرية، اللواء مهاب مميش، بمناسبة الاحتفال بالذكرى الثالثة لافتتاح تفريعة قناة السويس الجديدة، موجة من السخرية على مواقع التواصل الاجتماعي. ووصل وسم #قناة_السويس_الجديدة إلى قائمة الأكثر تداولاً في غياب شبه تام للجان النظام الإلكترونية، والتي فشلت في الترويج من جديد للمشروع وجدواه.

كتب إيهاب فيتا ساخراً: "#قناه_السويس_الجديده زي النهاردة من تلات سنين ذكرى المنعطف التاريخي اللي ياريته ما انعطف ولا شاف حرمان". وكتبت هبة: "ذكرى أغلى رفعة معنوية في التاريخ".

وغرّدت مي عبد العزيز مهنئة: "هابي فنكوش ترعة يا ماسررين، ملايين اتصرفت على اليخت الملكي ده عشان السيسي يتصور عليه، وملايين على الجنيهات الدهب اللي اتوزعت على الحضور وملايين على الحفلة وملايين على كبار زوار الحفلة، بس إحنا فقرا قوي وعندنا عجز ميزانية وهانفرض عليكم ضرايب وانتو اللي هتسددوها".

وعن واقع الحال في منطقة القناة كتب محمد النجدي: "أنا من الإسماعيلية، قناة السويس دي ماعرفتش عنها حاجة غير من التليفزيون، لا سمعت إن حد من اللي حواليا اشتغل فيها ولا عمل مشروع هناك ولا خد شقة في إسماعيلية الجديدة ولا حتى اصطاد سمك فيها".

وصرح اللواء مميش بأن عائد القناة سيشعر به الأحفاد، فتساءلت سونيا مصطفى: "مهاب مميش بيقولك أحفادنا سينهلون من عوائدها، هي الأحفاد دي هتيجي منين يا سعادة الكومسطبل إذا كان الأنجال مش عارفين يتجوزوا أصلاً".

فأجاب محمود ذات: "مميش: أحفادنا سينهلون من #قناه_السويس_الجديده، الراجل مكدبش، هو قال أحفادنا مش أحفادكم إنتم يا فقرا أوووي. أحفاد الجنرالات اتخرجوا من الكليات واتوظفوا فيها انتم مالكم بقى يا رعاع، دي دولتنا إحنا الأسياد، مش دولة شوية رعاع زيّكم!".

وغرّد أبو الخطيب: "قالوا هاتجيب مليارات واحنا بنشحت من طوب الأرض والاقتصاد في النازل والديون في الطالع".

وفسّر عماد البحيري أحد تصريحاته: "ليه إيهاب مميش بيقول إن القناة الجديدة هتؤتي ثمارها 2023؟ عشان محدش يسأل السيسي تاني لحد ما يبدأ فترته الانتخابية التالتة، يعني بلاش تزعجوه في حملته الانتخابية الجاية. ويبقى السؤال وهي لما لسه ثمارها في 2023 كنتوا مستعجلين على حفرها في سنة واحدة ليه"؟

وأفاد اللواء مميش: "مكالمة تليفون ألهمتني بفكرة حفر القناة"، فسخر خالد: "مكالمة تليفون يترمي فيها أكثر من 60 مليار جنيه بدون أي دراسات جدوى، والله الكلام ده لا يحدث في أكثر دول العالم تخلفاً، وقال إيه طالع يتباهى ويتفاخر، على إيه ع الخيبة، مصر أصبحت جمهورية موز".