حادث ‎#مسطرد في ميزان مواقع التواصل: فيلم هابط

وتصدّر وسم منطقة #مسطرد، التي شهدت الحادث، قائمة الأكثر تداولاً في مصر. وبعيداً عن تغطية المواقع الخبرية وتطبيل الكتائب الإلكترونية لقوات الأمن، انتشرت تغريدات مشككة، ومفنّدة لرواية الداخلية.

فقال أحدهم: "‏بيقولوا واحد كان لابس حزام ناسف وعايز يفجر الكنيسة، ولأن الأمن كان صاحي فالراجل ده مارضيش يفجر نفسه بوسط الزحمة قدام الكنيسة، لا ده خد بعضه وراح على كوبري ‎#مسطرد في حتة فاضية وفجر نفسه.. هو مات وجسمه مابقاش أشلاء.. دي آخرة اللي يستخدم حزام ناسف صيني.. الحكومة بتتعامل معانا على اننا مجانين".

وطالب ياسر أحمد: "‏‎#مسطرد.. يا ريت لو فيه مصداقية ان الدولة تعلن عن اسم الانتحاري وإلى أي جماعة ينتمي لأن الأفلام ديه قديمة قوي.. أنا في انتظار أهم خبر وهو انه ينتمي إلى جماعة الاخوان. #يسقط_يسقط_حكم_العسكر ‎#ارحل_يا_سيسي".

وغرد أليكس: "‏جايبين صورة شاب مقتول فوق كوبري ‎#مسطرد وقالك ‎#اليوم_السابع أن الأمن أحبط محاولة عمل ارهابي عند كنيسة العذراء بمسطرد والارهابي تراجع وفجر الحزام الناسف في نفسه!! معرفش ارهابي ازاي يعني؟؟ ارهابي لسه مبتدئ؟؟ فين ارهاب زمااااان .. الله يخربيتك يا سيسي".

وحاول نور تفسير الحادث: "#مسطرد..حادث فكسان للتغطية على ذكرى المذبحة الأكبر في العصر الحديث... مذبحة رابعة للتغطية على الفشل الاقتصادي وحالة التذمر بين الغلابة.. قال ايه الارهابي فجر نفسه على بعد 250 متر من الكنيسة .. يا ريت تقول ليه ضميره صحي فجأة.. أبانا الذي في المخابرات. الكتالوج ده قديم أوي".

وطرح حساب "الدوقة ألبرتين" عدة أسئلة: "‏‎#مسطرد.. أنا بردوا مش فاهمة هو فجر نفسه ع الكوبري ليه ضميره صحي فجأة؟ وليه ميكنش هيفجر المسجد بدل الكنيسة ما هم جنب بعض؟ .. وليه متكنش دي مسرحية من مسرحيات الأمن القومي علشان يحللوا الإعدامات .. أصل دا مش منظر تفجير حزام ناسف الصراحة ..مليت من السيناريوهات الهابطة بتاعة الداخلية".

وهاجم حساب يحمل اسم المخلوع مبارك: "‏‎#مسطرد.. الغلاء المتسارع والفقر والبطالة ها يخلي الشباب عرضة للفكر المتطرف.. خلال الفترة الأخيرة ارتفعت نسبة الانتحار بشكل كبير ونسبة الطلاق ايضاً والسبب غلاء المعيشة.. السيسى سبب خراب مصر والوضع ها يزداد سوء كل يوم. #ارحل_ياسيسي".

كذلك، نشر حمزة صورة القتيل معلقا: "#مسطرد.. الأمن بيقول انهم أحبطوا محاولة تفجير الكنيسة  والانتحاري اضطر للتراجع والحزام انفجر فيه لوحده = يعني لا في آثار تفجير ولا حزام ناسف ولا حاجة ولا ده حجة وتفويض للرأي العام عشان أحكام الاعدامات اللي هتصدر بالجملة؟ حسبنا الله ونعم الوكيل".

وكتب محمد صبري: "‏مش عارف ليه حاسس بريحة فيلم من بتوع المخابرات المشمومين. ‎#مسطرد".

وطالب أحمد محمد المعروف بـ"الباز أفندي": "‏‎#مسطرد..لما تيجي الحتة بتاعة انه ارهابي واخواني حد يصحيني علشان وحشتني أوي".