عيدية حكومة السيسي للمصريين: زيادة أسعار الوقود
وكتب أحمد شعبان: "بنزين سعيد عليكم".
Twitter Post
|
وسخر حسين محمد: "#البنزين يعني كل السهوكة بتاع امبارح دي علشان يزود سعر السولار والبنزين، مكانش محتاج التعب ده ياريس إحنا لازم نستحمل علشان مصر أهم حاجه خلصنا من الأخوان".
Twitter Post
|
ومذكراً بتصريح سابق للرئيس المصري، عبد الفتاح السيسي، كتب محروس: "#البنزين يعني بنزين الطبقة الأرستقراطية يزيد 15% وبنزين الطبقة الوسطى يزيد 26% وبنزين الطبقة الكادحة والمعدومة يزيد 33% وأسطوانة البوتجاز 40%، السيسي عذاب، السيسي معاناة".
Twitter Post
|
ومعترضاً على التوقيت، كتب مايكل توفيق: "معرفتش أسعار البنزين الجديدة إمتى وازاي يوم السبت، إحنا اتعودنا على الخميس، لا ده إحنا مش هنسكت على موضوع السبت ده لا لتغير مواعيد الصب في مصلحة المواطن".
Twitter Post
|
وذهب مغردون آخرون نحو توقع ردة فعل الإعلام المصري ولجان السيسي الإلكترونية، فكتب عاطف حلمي: "درس اليوم في كل وسائل الإعلام.. جولة تعريفية بأسعار الوقود في أوروبا والدول المتقدمة.. علشان كل واحد يعرف مصلحته".
Twitter Post
|
وشاركته نتاليا: "المبرراتية والمطبلاتية يجهزوا، عندكو طلعة عالصب في المصلحه النهاردة، انزلوا بكليشيهات إحنا أرخص بلد في البنزين ومش كفاية إن عندكو عربيات (كإننا واخدينها هديه مش بشغلنا وطلعان عيننا وكأن المواصلات العامة جميلة ومريحة بس إحنا غاويين منظره) يلا واحد اتنين انطلقوا".
Twitter Post
|
وشارك آخرون تجاربهم الشخصية مع الزيادة الجديدة فحكى عبدالرازق: "امبارح بالليل سافرت مرسى مطروح أنا وأصحابي أغير جو، وفولنا العربية قبل ما نطلع وحطينا بنزين ع الطريق.. وصلت مطروح لقيت البنزين زاد.. حاسس إننا عبرنا من الزمكان أو ثقب أسود ومنيل علينا.. عموما كده كده قررنا نستقر في مطروح وهنبيع العربية ونعمل مشروع عربية كبدة وسدق".
Twitter Post
|
وجاءت مشاركة مجدي كامل: "ركبت مع سواق ميكروباص بيقولي أنا عاوز الأجرة الضعف الحكومة زودت عليا السعر 49%.. قلتله ما السيسي عاوز الناس تاكل في بعضها راح قاللي الظابط قابلني من شوية بيقولي ماتزودش دلوقتي قلتله طب مين يدفع تمن الزيادة المهم دفعتله الأجرة القديمة ونزلت #الناس_مولعة".
Twitter Post
|
وتضامن صاحب حساب "سكوم" مع الشعب المصري: "أنا ما أبغى أدخل بالشأن المصري لكن بكل دول العالم إذا فيه رفع لأسعار الوقود أو مشتقاته بيصرح فيه وزير الطاقة أقل شي قبل بشهرين.. ما هو تنام وهو بسعر وتصحى وهو بسعر آخر أمر غريب جداً".
Twitter Post
|
واستعاد محمد علاء مشهداً من فيلم "الإرهاب والكباب" فكتب: "ـ طب مافيش حاجة هترخص؟ ـ حاجات كتير هترخص وهتبقى بسعر التراب.. أنا.. وانت.. والأستاذ، وحضراتكم أجمعين!".
Twitter Post
|
وكانت الحكومة المصرية قد رفعت، صباح اليوم السبت، أسعار الوقود بنسب تراوح بين 17.5 في المائة و50.6 في المائة، كما رفعت أسعار أسطوانات الغاز المنزلي (البوتاجاز) بنسبة وصلت إلى 66.6 في المائة، وذلك بالتوازي مع بدء تطبيق الموازنة الجديدة نهاية يونيو/حزيران الحالي.
